Свет
Туск предложи „флексибилно“ одложување на брегзит најмногу до една година
Претседателот на Европскиот совет, Доналд Туск предложи „флексибилно“ одложување на брегзит на една година, со опција за порано излегување на Велика Британија од Унијата ако биде ратификуван договорот.
То рекол дека има „мала причина да верува“ дека договорот за брегзит ќе биде прифатен до продолжениот рок, 30 јуни, што го побара британската премиерка Тереза Меј. Во писмо до лидерите на ЕУ, Туск нагласува дека секое одложување треба да има и соодветни услови.
„Нашето досегашно искуство како и длабоки поделби внатре во Претставничкиот дом ( британскиот парламент), ни даваат повод да веруваме дека процесот на ратификација на договорот нема да биде завршен до крајот на јуни“ наведува Туск во писмото и додава дека доколку не се одобри дополнително одложување на брегзит, постои опасност од заминување на Британија без договор.
Тој објаснува дека постои можност за „флексибилно“ одложување на брегзит, но не подолго од една година. Според него, на тој начин, Британија ќе излезе од членството кога ќе биде подготвена, наведувајќи дека со тоа би се избегнале постојаните поставувања и одложувања на роковите.
Европските земји на утрешниот самит ќе гласаат за предлогот за продолжување. Драфт документот на ЕУ, циркулира меѓу дипломатите, во пресрет на вонредниот самит, исто така предлага продолжување.
Велика Британија, според рокот, кој истекува во петок, во 23 часот по локално време, да ја напушти ЕУ. Во меѓувреме, Меј имаше состаноци со францускиот претседател Емануел Макрон во Париз и германската канцеларка, Ангела Меркел во Берлин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.