Свет
Уганда ќе ги користи жените со облини за промоција на туризмот
Во Уганда е отворена петиција во која се бара од владата да ја смени својата одлука за промоција на жени со облини во обид да привлече повеќе туристи.
Овој потег доаѓа откако приватниот портал „Дејли монитор“ извести дека државниот министер за туризам, Годфри Киванда, го објави планот кој вклучува и одржување натпревар Мис облини, на конференција во главниот град.
„Имаме природно обликувани жени кои изгледаат прекрасно. Зошто да не ги искористиме овие жени како стратегија за промоција на туризмот?“ порталот го цитираше Киванда.
Организаторот на натпреварот, Ан Мунгома, изјави дека тој „ќе ги претставува вистинските одлики на африканската жена“ и ќе биде „одличен настан каде младите жени ќе може да ги покажат своите прекрасни облини, но и интелектот“, извести „Дејли монитор“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти EMSC.
Земјотресот е регистриран на Крит, на 62 километри од Ираклион, на длабочина од 16 километри.
Земјотресот е регистриран во 12:37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала, по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.