Свет
Украинскиот претседател, Порошенко, повика да се протера Руската православна црква
Украинскиот претседател, Петро Порошенко, остро ѝ се обрати на Украинската православна црква на Московската патријаршија велејќи ѝ да си оди дома со жестоки коментари, кои црквата ги отфрли како апсурдни и неуставни, пренесува РТ.
Загриженоста изразена од врвните руски официјални лица за тековниот црковен спор во Украина е доказ дека институцијата воопшто не треба да биде во земјава, смета Порошенко.
„Дали е нормално кога Кремљ итно го собира Советот за безбедност, со кој претседава Путин, со единственото прашање на масата: Како да се заштити Руската православна црква во Украина?”, праша Порошенко во вторникот.
Тој додаде дека руската црква, руските војници и руските вооружени сили немаат работа во Украина и ги повика да си одат дома во Русија. Тој, исто така, ги повика украинските архиереи да побрзаат и да одржат совет за обединување кој може да доведе до добивање на одамна посакуваната автокефалност.
„Украина чекаше долги 1030 години веднаш по крштевањето. Тие 988 крштевања на земјата, која тогаш се нарекувала Рус, довеле до создавање на Руската патријаршија, додека тогаш терминот ‘Украина’ не постоел,“ тврди тој.
Канонската Украинска православна црква, сепак, веќе одби да учествува на таков обединувачки собир. Украина е дом на три православни цркви, но само една од нив – Украинската православна црква на Московската патријаршија – е признаена од другите цркви.
Повеќето украински свештеници го признаваат нејзиниот авторитет, додека владата отворено ја поддржува една од расколничките цркви – Украинската православна црква на Киевската патријаршија, која во ’90-тите години се оддели од Московската патријаршија и се пофали со сопствен самопрогласен „патријарх”. Изјавите на Порошенко го привлекоа гневот на канонската Украинска православна црква, која го обвини за кршење на уставот на својата земја.
„Тоа е сосема апсурдна, смешна изјава. Уставот на Украина ја гарантира заштитата на црквата, особено оваа која е родена на територијата на современа Украина, постоела таму илјада години и го поучила нашиот народ”, соопшти прес-службата на институцијата, додавајќи дека самата црква го благослови создавањето на независна украинска држава уште во 1991 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Конфликт меѓу српска ТВ-екипа и вујкото на Данка: „Удри го, добро е за рејтингот“
Четврти ден од потрагата по двегодишната Данка Илиќ, а на социјалните мрежи е објавено скандалозно видео снимено пред куќата каде што исчезна девојчето, објави хрватски Индекс.
Новинар и снимател на српски Информер, пристигнале пред куќата на вујкото на Данка каде се случил помал инцидент. Пред нив излегол маж кој се претставил како вујко на Данка и им рекол да си одат оти немаат причина да бидат пред куќата.
Им рекол да ја исклучат камерата или ќе повика полиција. Репортерот и снимателот не го послушале, а најскандалозниот дел од целата ситуација е што водителите во студиото предложиле нивната екипа да го удри вујкото на Данка и дека тоа би било добро за рејтингот.
Mučna situacija svakako, otišli da snimaju porodičnu kuću nestale devojčice. Pojavio se njen ujak i negoduje.
Poslušajte razmišljanje i želju urednika iz studia, od 0:52 do 1:03.
Prokletnici. pic.twitter.com/YnJDuXKV6W— 𝙁𝙀𝙍𝙈𝘼𝙉 (@Fermantwiit) March 27, 2024
Од студиото на ТВ Информер во еден момент велат: „Удри го Рафа, удри го!“ и додаваат дека ќе биде добро за шерот (удел во вкупна ТВ гледаност).
„Сега кога Рафа ќе го забоде, ќе видите“, велат од студиото, се слуша во директниот пренос.
Свет
Туск: Европа е во предвоена состојба, следните две години ќе решат се
Полскиот премиер Доналд Туск оцени дека ситуацијата во Европа е најлоша од крајот на Втората светска војна и апелираше до Европејците да сфатат дека војната не е концепт од минатото, туку дека живеат во предвоена состојба во која секое сценарио е можно и дека во следните две години се ќе се реши.
„Не сакам никого да исплашам, но војната повеќе не е концепт од минатото. Реално е, почна пред две години. Знам како звучи за луѓето од помладата генерација, но мораме ментално да прифатиме дека доаѓа нова ера. Предвоена ера. Не претерувам“, изјави Туск во интервју за неколку европски медиуми, меѓу кои и полскиот весник „Газета Виборча“.
Тој рече дека шпанскиот премиер Педро Санчез побарал на самитот на Европската унија зборот војна повеќе да не се користи во документите на ЕУ бидејќи луѓето не сакаат да се плашат на тој начин, а во Шпанија тоа им звучи апстрактно.
„Она што предизвикува најголем немир денес е тоа што буквално секое сценарио е можно. Ваква ситуација не сме имале од 1945 година. Јас одговорив дека во мојот дел од Европа војната повеќе не е апстрактна и дека наша обврска не е да разговараме, туку да дејствуваме и да се подготвуваме за одбрана“, рече Туск.
Полскиот премиер во интервју за „Газета Виборча“ апелираше да го отфрли размислувањето „што ако“, бидејќи главната задача на Западот е да ја брани Украина да остане независна држава со територијален интегритет.
„Иднината на Украина е главно во наши раце. Не се работи само за Полска и ЕУ, туку за целиот Запад. Од нас зависи дали Украина ќе успее да ги избегне песимистичките сценарија. Денес ситуацијата е многу потешка отколку пред една година, но многу подобра отколку на почетокот на војната, кога војниците на Путин стоеја на периферијата на Киев“, изјави полскиот премиер, пренесува Бета.
Без разлика кој ќе биде во Белата куќа во следниот мандат, Туск смета дека Европа мора поактивно да ги негува трансатлантските врски и дека е погрешно да се мисли дека е лојална само ако се откаже од воените амбиции или, напротив, дека поради политиката на поранешниот американски претседател Доналд Трамп и антиамериканските чувства во некои европски земји, тие треба целосно да го прекинат сојузот со САД.
„Потребен ни е силен сојуз со САД и во исто време мора да бидеме независни и самодоволни кога станува збор за одбраната. Наша задача е да ги негуваме односите без разлика кој ќе биде претседател на САД. Нема причина Европејците да не го почитуваат основниот принцип и да не издвојуваат најмалку два отсто од БДП за одбрана“, рече Туск.
Полскиот премиер рече дека разбира оти Шпанија или Италија не сакаат да издвојуваат четири отсто од БДП годишно, по примерот на неговата земја.
„Но, два отсто од БДП едноставно мора. Не разбирам како некој може да го оспори тоа. Треба да издвоиме што е можно повеќе за набавка на оружје и муниција за Украина бидејќи живееме во најкритичниот момент од крајот на Втората светска војна. Следните две години ќе одлучат се. Ако Украина биде поразена, никој во Европа нема да може да се чувствува безбеден“, рече Туск.
Полскиот премиер предупреди дека рускиот претседател Владимир Путин ја обвинува Украина за терористички напад на концертот во Красногорск и дека, како што наведе, тоа го прави без никакви докази.
„Од историјата знаеме дека Путин користи ваков тип на трагедии за свои цели. Се сеќаваме што се случи по нападот на театарот во Дубровка или училиштето во Беслан. Путин веќе почна да ја обвинува Украина иако не покажа никакви докази. Очигледно е дека треба да оправда уште побрутални напади врз цивилни објекти во Украина“, изјави Туск во интервју за европските медиуми.
Свет
Зеленски побара помош од Америка: „Руските воздушни напади драстично се зголемуваат“
Украинскиот претседател Володимир Зеленски му рекол на претседателот на Претставничкиот дом на САД за време на телефонскиот разговор дека е од витално значење Конгресот брзо да одобри нов пакет воена помош за Киев, пренесува Ројтерс.
Претседателот Мајк Џонсон (републиканците) со месеци го одложуваше со својата партија предлог-законот со кој на Украина ќе и се обезбеди воена и финансиска помош во износ од 60 милијарди долари.
„Одлуката на американскиот Конгрес да и помогне на Украина е од витално значење. Ние признаваме дека постојат различни ставови во Претседателскиот дом за тоа како да се продолжи, но од клучно значење е да се задржи прашањето за помошта на Украина како важно прашање“, напиша Зеленски на „Икс“.
Украинските војници се во сè понезавидна ситуација на бојното поле, соочени со недостаток на муниција и оружје. Американската помош сè уште чека, а Европската унија не ја достави навреме муницијата што претходно ја вети.
Зеленски рече дека го информирал Џонсон за ситуацијата на бојното поле и „драматичното зголемување на руските воздушни напади“, што тој го нарече „терор“.
Москва ги опиша своите неодамнешни напади како „одмазда“ за украинските напади врз руските региони. Русија ја зголеми употребата на балистички ракети, кои потешко се запираат. Тие негираат дека нивни цели биле цивили, но во тие напади биле убиени многу невини луѓе.