Свет
УНИЦЕФ: 200 милиони деца во светот јадат нездрава храна
Загрижувачки голем број деца страдаат од сериозни последици поради лоша или нездрава исхрана, предупреди УНИЦЕФ во годинашниот извештај за состојбата на децата во светот – најмалку едно од три деца под 5 години, или повеќе од 200 милиони деца во светот, се или неисхранети или со прекумерна тежина.
Речиси две од три деца на возраст од 6 месеци до 2 години не јадат храна што поддржува оптимален раст и развој на нивниот мозок и тело.
Ваквата несоодветна исхрана може да предизвика лош развој на мозокот, тешкотии при учењето, намален имунитет, зголемена подложност на инфекции, а во многу случаи, дури и смрт.
Извршната директорка на УНИЦЕФ, Хенриета Фор, посочува дека милиони деца се хранат нездраво затоа што, едноставно, немаат подобар избор.
„Треба да го смениме начинот на кој ги разбираме и реагираме на неисхранетоста и квалитетот на исхраната кај децата. Важно е децата да јадат доволно, но превенствено треба да им се обезбеди здрава и квалитетна исхрана“, вели Фор.
УНИЦЕФ предупредува на тројна закана поради лоша исхрана: неисхранетост, латентна глад предизвикана од недостиг на основни хранливи материи и прекумерна тежина кај деца под пет години.
Овие фактори доведуваат до катастрофални резултати – 149 милиони деца заостануваат во физичкиот развој или се прениски за својата возраст, 50 милиони деца се преслаби за својата висина, 340 милиони страдаат од недостиг на основни витамини и хранливи материи, како што се витамин А и железо, а 40 милиони деца се со прекумерна тежина.
Во извештајот се предупредува дека лошата исхрана и лошите навики во исхраната почнуваат уште од најраните денови во животот на децата.
Децата и адолесцентите од најсиромашните и најмаргинализираните заедници го носат најголемиот товар од лошата исхрана. Кај најсиромашните домаќинства, само едно од пет деца на возраст меѓу шест месеци и две години јаде разновидна храна неопходна за здрав раст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.