Свет
УНХЦР: Во светот има 80 милиони баратели на азил и раселени лица, најмногу досега
Во 2019 година во светот имало речиси 80 милиони раселени луѓе, вклучувајќи 30 милиони баратели на азил и бегалци, двојно повеќе од 2010 година, открива неодамна објавениот извештај на високиот комесар за бегалци на Обединетите нации (УНХЦР).
Во извештајот „Глобални трендови“ на УНХЦР се вели дека овој бројот е исто така и најголем досега забележан. Од 79,5 милиони раселени низ целиот свет, 30 милиони се бегалци или баратели на азил, а 45 милиони се внатрешно раселени, што значи дека станале бегалци во границите на нивните земји.
Ставајќи ја главната бројка од 79,5 милиони во перспектива, бројот на раселени лица денес во светот е еквивалентен на вкупното население на цела Европа на крајот на средниот век.
Јасно мнозинство на барателите на азил сега се од само пет земји. Сирија е на врвот на списокот со 6,6 милиони раселени луѓе, по што следат 3,7 милиони од Венецуела, 2,7 милиони од Авганистан, 2,2 милиони од Јужен Судан и 1,1 милиони од Мјанмар.
Турција во моментов е домаќин на најголем број баратели на азил – 3,6 милиони- а потоа следуваат Колумбија (1,8 милиони), Пакистан (1,4 милиони), Уганда (1,4 милиони) и единствената европска земја во листата топ-пет: Германија, со 1,1 милиони. Сепак, во однос на новите барања за азил, САД забележуваат најголем број во 2019 година со 301.000 нови барувања за азил, а потоа следат Перу (259.800), Германија (142.500), Франција (123.900) и Шпанија (118.300).
Податоците на ЕУ откриваат дека како што се олеснуваат мерките за контрола на коронавирусот низ цела Европа, бројот на пристигнувања на мигранти почнува да расте.
„Сведоци сме на променета реалност кога принудното раселување не само што е пораспространето во моментов туку не е и краткотрајна или привремена појава“, рече комесарот за бегалци на ОН, Филипо Гранди.
Рефлектирајќи го тоа, извештајот открива дека сè помалку бегалци и баратели на азил сега се враќаат во своите татковини. Во изминатата деценија, само 3,9 милиони се вратиле во својата татковина, во споредба со 9,6 милиони претходната деценија.
Додека УНХЦР не прави предвидувања за бројот на мигранти, некои шпекулираат дека Европа би можела да види милиони повеќе во годините што доаѓаат.
Турскиот претседател, Реџеп Тајип Ердоган, беше уште појасен на почетокот од годинава, кога предупреди дека Европа може да ги види своите земји членки преплавени со милиони мигранти од Турција откако неговата влада ги отвори границите кон крајот на февруари.
Коронавирусот доведе до тоа Ердоган да ја затвори граничната област, но грчките власти предупредуваат дека бранот мигранти, најверојатно, ќе дојде откако ќе се олабават ограничувањата. Турскиот министер за внатрешни работи, Сулејман Сојлу, отворено изјави кон крајот на март дека мигрантите ќе се вратат на границата кога ќе заврши кризата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хезболах го нападна северниот дел на Израел со беспилотни летала
ЛибанскиХезболах соопшти дека извршил напад со беспилотни летала врз израелските воени бази северно од градот Акра, во најдлабокиот напад на израелска територија од почетокот на војната во Газа.
Израелската војска соопшти дека нема сознанија за некој од нејзините објекти погодени од Хезболах, но претходно соопшти дека пресретнала две „воздушни цели“ во близина на северниот брег на Израел.
Двете страни редовно разменуваат ракетни и воздушни напади од почетокот на војната во Газа минатиот октомври, но се воздржуваат од отворена војна. Сепак, со оглед на честите напади, постојат стравувања дека несреќа или погрешна проценка на која било страна може да доведе до брза ескалација на конфликтот, како и до потенцијално вклучување на други регионални и светски сили, вклучително и САД.
Хезболах вели дека нападот е одмазда за претходниот израелски напад во кој загина еден од нивните борци. Групата објави сателитска снимка со локацијата на нападот на половина пат помеѓу Акра и Нахарија на север. На едно видео е видливо и како израелската воздушна одбрана ги пресретнува беспилотните летала.
Израелската војска соопшти дека нејзините воени авиони одговориле со гаѓање воени цели во областа Маркаб во јужен Либан.
Најмалку две лица загинаа, а уште шест се повредени откако израелски воздушен напад погоди станбена област во јужниот либански град Ханин, објави во вторникот официјалната либанска новинска агенција NNA.
Регион
Убиен работник од Украина во Славонски Брод
Во центарот на Славонски Брод во попладневните часови е пронајдено машко тело.
Полициската управа Брод-Посавина соопшти дека е приведено едно лице поврзано со инцидентот.
Се работи за млад градежен работник од Украина. Конфликт се случил во стан во центарот на градот каде што биле сместени работниците (родени во 90-тите).
Полицијата соопшти дека телото на мажот е пронајдено во куќата околу 15:17 часот и дека се води истрага, а потоа и кривична истрага која треба да ги расветли сите околности.
Свет
Макрон и градоначалничката на Париз најавија дека ќе пливаат во Сена: Сакаат да го докажат добриот квалитет на водата за Олимписките игри
Градоначалничката на Париз, Ан Идалго изјави дека ќе плива во Сена со францускиот претседател Емануел Макрон за да докаже дека квалитетот на водата на реката ќе биде на нивото потребно за претстојните Олимписки игри.
Идалго потврди дека ги поканила организаторите на Олимпијадата и високите француски функционери да пливаат во Сена на настан кон крајот на јуни или почетокот на јули оваа година, вклучувајќи го и Макрон, кој претходно ветил дека ќе плива во реката, пренесува АП.
„Ќе нуркаме во Сена и многу волонтери се појавија да нуркаат со мене и многу спортисти ќе бидат таму. Ќе биде безбедно да се плива во Сена“, изјави Идалго.
Претходно, француската невладина организација „Suffrider Foundation“ предупреди дека квалитетот на водата во Сена не е доволно добар за пливање за време на Олимпијадата, врз основа на шестмесечни мерења на квалитетот.
За чистење на оваа река ќе бидат инвестирани 1,4 милијарди евра, а од 1 јуни ќе почнат новите рутински мерења.
Организаторите на ОИ претходно најавија дека е можно да се одложат одредени настани во случај на голема загаденост на Сена, а во најлош случај ќе биде откажан пливачкиот дел од планираните триатлони.
Исто така, беше најавено дека пливањето во делови на Сена ќе биде дозволено за јавноста, за прв пат од 1923 година.