Свет
„УСС Нимиц“ останува во Персискиот Залив поради заканите на Иран кон Трамп
Само три дена откако објави дека „УСС Нимиц“ го напушта Персискиот Залив, Пентагон ја смени одлуката велејќи дека воениот брод ќе остане на Блискиот Исток поради иранските закани кон претседателот Доналд Трамп, пренесува РТ.
Наредбата за продолжување на мисијата беше издадена во неделата од вршителот на должност министер за одбрана, Крис Милер, кој рече дека никој не треба да се сомнева во решението на САД. Веста дојде точно една година по американскиот атентат врз иранскиот генерал Касем Солејмани.
Само три дена пртходно, Милер ја упати групата „Нимиц кериер страјк“ да се врати дома во Бремертон, Вашингтон, по 10-месечната мисија, подолга од вообичаеното, фалејќи го екипажот за напорната работа, посветеноста и флексибилноста покажани за време на мисијата. Ротацијата беше сфатена од некои американски медиуми како гест за деескалација на тензијата со Иран пред годишнината.
Имаше многу тврдења дека во последните денови од претседателствувањето на Трамп може да се случи некаков инцидент меѓу американски трупи и Иран. Самиот Техеран предупреди дека Израел може да почне операција за да поттикне војна помеѓу нејзиниот покровител во странство и неговиот регионален клучен непријател. Годишнината помина без поголеми превирања.
Техеран смета дека убиството на Солејмани е чин на државен тероризам извршен од САД. Откако тоа се случи пред една година, иранската војска изврши ракетни напади против две американски бази во Ирак испраќајќи предупредување преку ирачките канали давајќи им на војниците доволно време да се засолнат. Покажувањето сила не резултира со жртви од американска страна.
Како што се приближуваше годишнината, голем број високи ирански официјални лица изјавија дека убијците на Солејмани, вклучувајќи го и американскиот претседател Доналд Трамп, нема да избегаат од правдата. Претседателот Хасан Рухани предвиде дека судбината на Трамп ќе биде слична на онаа на Садам Хусеин и го прослави крајот на неговото претседателствување велејќи дека тој ќе оди на буништето на историјата.
Некои американски медиуми ја протолкуваа пораката како закана со смрт. Техеран бесно ги отфрли обвинувањата велејќи дека убиството на странски лидери е американско-израелски препознатлив метод, а не нешто што Иран го прави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.
Свет
Северна Кореја тестираше „супер голема“ боева глава за крстосувачка ракета
Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета.
Тестот за моќност на супер-големата боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се одржаа во петокот, објавија државните медиуми.
„Пробното лансирање постигна одредена цел“, објави КЦНА.
Се наведува дека тестовите биле дел од редовните воени активности на Северна Кореја и дека немаат „никаква врска со околната ситуација“.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарна боева глава.
Тестовите на крстосувачки ракети не подлежат на санкции против Пјонгјанг. Меѓутоа, таквото оружје може да се користи и за пренесување на нуклеарни боеви глави.
Наспроти позадината на конфликтот околу севернокорејската програма за нуклеарно оружје, тензиите на Корејскиот полуостров повторно значително се зголемија. Соединетите Американски Држави и Јужна Кореја ја зајакнаа својата воена соработка, вклучително и заеднички маневри, како одговор на повеќекратните ракетни тестови на Пјонгјанг со нуклеарни капацитети во последните две години.
Свет
Големи експлозии во база на проиранската милиција во Ирак
Проиранската милиција ПМФ (Сили за народна мобилизација) објави дека во текот на ноќта се случила голема експлозија во нивната воена база Калсо на околу 50 километри јужно од Багдад, Ирак, а два безбедносни извори тврдат дека станува збор за воздушен напад, пренесува Ројтерс.
Еден војник на ПМФ е убиен, а шестмина се ранети, соопштија два извори од болницата во блискиот град Хила.
Од експлозијата е причинета материјална штета, а има и повредени“, се вели во соопштението на ПМФ и се додава дека истрагата е во тек.
Два безбедносни извори изјавија дека се уште не знаат кој е одговорен за воздушниот напад. Американски официјален претставник изјави дека немало американска воена активност во Ирак.
Израел вчера изврши напад на иранска територија, неколку дена откако Иран го нападна Израел со беспилотни летала и проектили кои главно беа пресретнати и уништени.
Фракциите во рамките на ПМФ учествуваа во неколкумесечни ракетни и беспилотни напади врз американските сили во Ирак среде кампањата на Израел во Газа, но ги прекинаа нападите од почетокот на февруари.