Свет
Уште еден гаф на Бајден, ги помеша Камбоџа и Колумбија
Американскиот претседател, Џо Бајден, Камбоџа – која е домаќин на меѓународен самит предводен од лидерите од Југоисточна Азија, ја нарече Колумбија.
Лапсусот на американскиот претседател е само еден од многуте. На состанокот во Пном Пен, Бајден го нарече премиерот на Камбоџа премиер на Колумбија.
„Сега, кога сме повторно заедно овде во Камбоџа, со нетрпение очекувам да надградиме уште поголем напредок отколку што веќе сме постигнале, и сакам да му се заблагодарам на премиерот на Колумбија за неговото лидерство како претседавач со АСЕАН и за гостопримливоста“, рече Бајден, пренесува Ројтерс.
Бајден очигледно мислеше на премиерот на Камбоџа Хун Сен, кој во моментов претседава со 10-члениот регионален блок.
Американскиот претседател, кој на својата голема турнеја покрај самитот АСЕАН во Пном Пен и климатскиот самит COP27 во Египет, треба да учествува и на самитот Г20 во Индонезија, направи слична грешка додека неодамна разговараше со новинарите во Белата куќа.
Бајден, кој ќе наполни 80 години на 20 ноември, оваа недела изјави дека има намера повторно да се кандидира во 2024 година, а конечната одлука најверојатно ќе биде донесена на почетокот на следната година.
Повремените вербални сопнувања на Бајден и тенденцијата да се оттргне од сценариото за време на настапите во живо, неговите републикански критичари ги толкуваат како доказ дека тој е премногу стар за таа работа. Од друга страна, поддржувачите на Бајден тоа го нарекуваат стареење и велат дека претседателот, кој го надмина пелтечењето од детството, со децении има успешни јавни настапи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.