Свет
Уште една компанија го прекина испитувањето против Ковид-19
Американскиот производител на лекови „Илај Лили енд компани“ соопшти дека ги запреле клиничките испитувања на терапијата против Ковид-19 спонзорирани од владата, пренесува „Ројтерс“.
Според агенциите, причината е прашањето за нејзината безбедност.
„Илај Лили енд компани“ не ги коментира импликациите од прекинувањето на клиничките испитувања.
Компанијата објави претходно овој месец дека ќе аплицира за итна дозвола за употреба на терапија со антитела, лекот LY-CoV555, за пациенти со умерен до средно сериозен облик на Ковид-19, врз основа на податоците собрани во друго клиничко испитување.
„Илај Лили енд компани“ е производител на лекови против Ковид-19 кои содржат антитела, слични на оние што ги земаше американскиот претседател Доналд Трамп.
На видеото што минатата недела го објави на социјалните мрежи Трамп ја претстави терапијата со антитела произведени од „Илај Лили енд компани“ заедно со терапијата на компанијата „Регенерон“ како лек против Ковид-19.
Објавата на „Илај Лили енд компани“ дојде еден ден откако компанијата „Џонсон и Џонсон“ објави дека е принудена привремено да го прекине тестирањето на својата експериментална вакцина против коронавирусот бидејќи на еден доброволец му се слошило.
Компанијата соопшти дека сè уште не знае дали лицето примило соодветна вакцина или плацебо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.