Свет
„Фајзер“ ја тестира третата доза на вакцина против мутирани видови вируси
Американската фармацевтска компанија „Фајзер“ објави дека започна со тестирање на третата доза на вакцина против Ковид-19, како дел од стратегијата за борба против мутирани верзии на коронавирусот.
Здравствените власти тврдат дека првата генерација на вакцини против Ковид-19 сè уште штити од варијанти што се појавуваат во различни делови на светот. Производителите, сепак, започнаа со подготовки во случај да се појави мутација на вирусот отпорен на вакцини.
„Фајзер“ соопшти дека ќе добие трета доза за 144 волонтери, избрани меѓу луѓето кои учествувале во раните фази на тестирање на вакцините во САД во текот на изминатата година. Компанијата сака да утврди дали дополнителна доза на вакцина дадена шест до 12 месеци по првата доза ќе го зајакне имунитетот доволно за да го заштити организмот од мутиран вирус.
„Фајзер“ и нејзиниот германски партнер „Бионтек“ исто така го усовршуваат својот рецепт за вакцини. Компаниите дискутираат со американските и европските регулатори за студија која би ги проценила дозите потребни за подобар одговор на варијантите на вирусот, како што е онаа прва откриена во Јужна Африка, пренесува АП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Босна и Херцеговина пронајдено петгодишно девојче од Германија, жртва на трговија со луѓе
Во автобус на граничниот премин Брод босанско-херцеговската полиција идентификувала петгодишно девојче од Германија, жртва на меѓународна трговија со луѓе, соопшти Обвинителството на БиХ.
„Обвинителот од Одделот за шверц и трговија со луѓе на Обвинителството на БиХ ги координира активностите во соработка со Службата за работи со странци на БиХ и Граничната полиција на БиХ, кои при контрола на стоки и патници на редовните автобуски линии на граничниот премин Брод открија и идентификуваа жртва на меѓународна трговија со луѓе“, велат од таму.
Девојчето патувало на редовна автобуска линија во придружба на странски државјанин. По наредба на обвинител, тој е приведен во Службата за странци на Босна и Херцеговина, а таа е сместена во безбедна куќа.
„Споменатото девојче се наоѓа во базата на лица по кои трагаат меѓународните институции, а обвинителот е во постојана комуникација со надлежното обвинителство и полицијата во Визбаден, Германија. Се преземаат активности за враќање на детето кај мајката“, велат од Обвинителството.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Регион
„Ова е стрес за сите, за детето што го носам“: сослушани родителите на малата Данка
Родителите на малата Данка (2), која исчезна на 26 април, Ивана и Милош, беа на распит во Обвинителството во Заечар.
Тие беа први сослушани со неколку сведоци, кои сè уште се во Окружното јавно обвинителство во Заечар.
„Овде сме од 8 часот. Разговарав со обвинителот од 8.15 до 11 часот. Кажав сè што се случи од тој ден“, изјави Ивана за „Информер“, која е во шестиот месец од бременоста и додаде:
„Сето ова е стресно за сите нас, за нашето постаро дете, за детето што го носам“, додаде таа.
По неа, и нејзиниот сопруг разговараше со обвинителката и, како што објасни, не може да опише како се чувствува.
„Не можев да видам кој седи зад мене. Не знам дали осомничените биле во истатапросторија. Не можам да опишам како се чувствувам“, изјави Милош.
Toj во изјава за „Телеграф.рс“ вели: Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме е неописливо. Тоа може да го разбере само родителот. Неколку пати ни дојде полиција, ѝ ги зеде работите на Данка, ништо не знаеме, ни за крвта на патот, ни во кола, ни ништо. Не разбираме зошто не се јавиле во итната помош, зошто не помогнале, но го направиле ова. Тоа што јас и Ивана постојано страдаме е страшно, разни луѓе ни се јавуваат, не навредуваат, ни ја префрлаат вината. Морав да побарам да го сменам бројот, не можеме повеќе… Кога се ќе заврши, ќе излеземе на медиумите и ќе кажеме се“, изјави за Телеграф.рс Милош Илиќ, таткото на убиената Данка.