Свет
Филипините се соочуваат со појава на полио поради невакцинација на децата
Светската здравствена организација во средата рече дека Филипините се соочуваат со зголемен број заболени од полио ако родителите продолжат да не ги вакцинираат своите деца под 5-годишна возраст.
Јужноазиската земја се соочува со епидемија на заразната болест, што би можело да ги попречи глобалните напори за искоренување на болеста, која е ендемска само во уште три земји – Авганистан, Нигерија и Пакистан.
Потврдените случаи на Филипините биле предизвикани од детска парализа „предизвикана од вакцина“, а не од вид на вирусoт, кој беше искоренeт во земјата пред речиси две децении.
„СЗО е сериозно загрижена за состојбата на Филипините“, изјави за новинарите Рабиндра Абејасинг, претставник на СЗО на Филипините.
Покриеноста на Филипините за орални вакцини против детска парализа е 66%, но треба да биде на 95%, рече Абејасинг. Само 40% од децата на возраст под 5 години добиле вакцина против детска парализа со инјекција.
„Ако ја изведеме вакцинацијата како што нормално ја изведуваме и 30% не се вакцинирани, ќе имаме уште една епидемија за неколку години“, рече тој.
Филипините ќе објават програма за вакцинација следниот месец, која првично ќе биде насочена кон децата во две области на јужниот регион Минданао, каде минатата недела беше потврден првиот случај на детска парализа и каде е откриен вирусот во канализациските системи.
Вториот случај беше забележан минатата недела во Лагуна, јужно од главниот град Манила, на повеќе од 1.000 км оддалеченост од Минданао.
Тип 2 полио вирусот што потекнува од вакцина е вирусот откриен и во двата пријавени случаи. Вирусот од вакцина најчесто се појавува на места со мала процент на вакцинација и лоша санитација, бидејќи луѓето кои биле вакцинирани го излачуваат вирусот, ставајќи ги на ризик оние кои не се вакцинирани.
Последниот познат случај на детска парализа на Филипините беше во 1993 година, соопшти СЗО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.