Свет
Филипинските власти започнаа евакуација-Доаѓа супертајфун, брзината на ветерот од час во час се засилува
Филипинските власти почнаа да ги евакуираат луѓето од крајбрежните области додека главниот остров Лузон, вклучително и Манила, се подготвува за тајфун од трета категорија што продолжува да се засилува, соопштија официјални лица.
Тајфунот „Нору“ стана супер тајфун „по период на експлозивно засилување“, при што постојаните ветрови се зголемија на 185 километри на час од 120 километри на час во саботата вечерта, соопшти агенцијата за катастрофи во предупредувањето.
Ќе продолжи да се зајакнува и може да дојде на копно во недела попладне или навечер со постојан ветер од 185 до 205 км/ч, се вели во соопштението.
„Ги замолив нашите градоначалници да се придржуваат до строгите превентивни евакуации“, изјави Хелен Тан, гувернерката на провинцијата Кезон, за локалната радио станица. На рибарите во крајбрежните заедници им е забрането да одат на море, рече таа.
„Нору“, 11-тиот тропски циклон што ги погоди Филипините оваа година, ќе донесе обилни до поројни дождови во главниот град и околните провинции во недела попладне.
„Да се надеваме дека овој тајфун се движи брзо, иако носи силни ветрови“, изјави портпаролот на агенцијата за катастрофи Бернардо Рафаелито Алехандро.
Властите се во состојба на готовност поради лизгање на земјиштето, поплави и штетни ветрови, додаде тој. Филипинската крајбрежна стража соопшти дека повеќе од 1.200 патници и 28 пловни објекти се блокирани во пристаништата јужно од главниот град.
„Нору“ се движи кон запад и најверојатно ќе излезе над Јужното Кинеско Море до недела навечер или понеделник наутро.
Филипините, архипелаг со повеќе од 7.600 острови, доживуваат просечно 20 тропски бури годишно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија и се закани на Полска
Заменик-министерот за надворешни работи на Русија, Сергеј Рјабков се закани дека Русија ќе ги таргетира нуклеарните оружја и објектите на НАТО, доколку тие бидат распоредени во Полска. Тој рече дека заедничките нуклеарни мисии на НАТО во близина на руската граница се сметаат за закана за нејзината безбедност, пренесува руската државна агенција ТАСС.
„Да не кажам ништо за трајно распоредување, за што зборуваат жешките глави во Варшава. Затоа сите оние политичари кои разговараат за таква опција во Полска и во странство треба да разберат: соодветните капацитети неизбежно ќе бидат цел. Тие ќе бидат први на список на нашето воено планирање“, се закани тој.
Полска во понеделникот објави дека е подготвена да прифати нуклеарно оружје на своја територија доколку НАТО, чиј член е, одлучи да го зајакне своето источно крило бидејќи Русија распоредува ново оружје во Калининград и Белорусија.
„Доколку нашите сојузници одлучат да распоредат нуклеарно оружје на наша територија како дел од дистрибуцијата на нуклеарно оружје за да ја зајакнеме безбедноста на источното крило на НАТО, ние сме подготвени на тоа“, изјави Анджеј Дуда за весникот Факт.
„Војната меѓу Русија на Владимир Путин и НАТО би завршила со неизбежен пораз на Москва“, изјави денеска полскиот министер за надворешни работи Радослав Сикорски.
„Ние, Западот, не треба да се плашиме од конфликт со Путин, туку обратно“, рече Сикорски за време на говорот во Сејм, Долниот дом на полскиот парламент. Сикорски додаде дека рускиот воен и економски потенцијал „бледи во споредба со оној на Западот“, бидејќи НАТО има три пати повеќе воен персонал, три пати повеќе воздушен персонал и четири пати повеќе бродови од Русија.
Свет
Египет го достави предлогот на Хамас до Израел за едногодишен прекин на огнот во Газа
Египетските власти му доставија на Израел предлог изготвен од Хамас, со кој се бара едногодишен прекин на огнот во Појасот Газа во замена за радикалните Палестинци да ги запрат нападите врз израелските сили, објави ТВ каналот Ал Хадат со седиште во Дубаи.
Според извештаите, Египет го доставил предлогот на Хамас до израелската делегација. Изворите наведоа дека и Египет презентирал сопствена иницијатива, барајќи од Израел целосно да ја прекине операцијата во градот Рафах на југот на Појасот Газа во близина на египетската граница, пренесе ТАСС.
За возврат, египетските власти ветуваат дека ќе обезбедат „напредок во разговорите“ со радикалните палестински групи за ослободување на израелските заложници што ги држат во Појасот Газа, велат изворите.
На 1 декември 2023 година, израелската армија го обвини Хамас за кршење на примирјето што стапи на сила на 24 ноември и за продолжување на борбените операции во Појасот Газа.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.