Европа
Во моментот на падот на рускиот авион, француска фрегата испукала ракети во Сирија
Руските системи за контрола на воздушниот простор забележале француска фрегата како испукува ракети во Средоземното Море во понеделникот, извести руското Министерство за одбрана.
Според руската војска, францускиот воен брод „Оверњ“ ги испукал ракетите во понеделникот околу 20:00 часот. „Системот за контрола на воздушниот простор забележа лансирање ракети од француската фрегата ‘Оверњ’“, се вели во изјавата на Министерството. „Оверњ“ бил на мисија во Средоземното Море, близу брегот на Сирија. Париз демантираше каква било вмешаност во нападот.
Се работи за европска повеќенаменска фрегата која е во служба на француската морнарица од февруари оваа година. Пред тоа, воениот брод бил испраќан на мисии низ целиот свет, вклучувајќи го и Средоземното Море, Индискиот Океан, Персискиот Залив, Јужнокинеското Море и Тихиот Океан.
Лансирањето било забележано во исто време кога контролорите на летање во воздухопловната база „Кмеимим“ изгубиле контакт со воениот авион Ил-20 за време на нападот врз Латакија од страна на израелските Ф-16 борбени авиони. Во авионот имало околу 14 лица кога тој исчезнал. Во тек е мисија за нивно пронаоѓање.
Израелските одбранбени сили одбија да коментираат. Иако Израел ретко признава дека напаѓа конкретни цели во Сирија, месецов одбранбените сили признаа дека погодиле барем 202 „ирански цели“ во земјата.
Турција и Русија се договорија во понеделникот да воспостават „демилитаризирана зона“ меѓу владините војници и милитантите во обид да се отстранат и последните џихадисти од Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.