Свет
Француските изјави за снимките со Кашоги се неприфатливи за Турција
Францускиот министер за надворешни работи, Жан-Ив Ледријан, во понеделникот изјави дека, колку што му е познато, Франција нема никакви снимки поврзани со убиството на саудискиот новинар Џамал Кашоги предизвикувајќи со изјавата огромен бес во Анкара, пренесува „Спутник“.
Турската страна ја нарече изјавата на францускиот министер неприфатлива.
„Сметаме дека е неприфатливо што тој го обвини претседателот Ердоган дека игра политички игри. Да не заборавиме дека овој случај ќе беше веќе прикриен да не беа решителните напори на Турција“, изјави директорот за комуникации во турското претседателство, Фахретин Алтун, дека коментарите на Ледријан не ги одразуваат фактите.
Францускиот министер за надворешни работи во интервју за „Франс 2“ изјави дека Франција не поседува никакви снимки поврзани со убиството Кашоги и посочи дека се чини оти турскиот шеф на државата игра политичка игра во овие околности.
Во меѓувреме, се чини дека канадскиот премиер Џастин Трудо е првиот западен шеф на држава што јавно призна дека неговата земја ги добила снимките откако Ердоган викендов најави дека ќе им ги предаде на западните држави.
„Канада е целосно запознаена со она што Турција имаше да го сподели“, изјави Трудо од канадската амбасада во Париз, каде што присуствуваше на мировниот форум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.