Свет
Француските лекари ги налутија африканските фудбалери: Ние не сме животни за тестирање вакцини
Предлогот на двајца француски лекари, кои гостуваа на една француска телевизија, дека истражувањето на вакцините против новиот коронавирус Ковид-19 би требало да се спроведува во Африка предизвика бес и негодување кај познатите личности, особено кај фудбалерите од тој континент, пренесува „Спутник“.
Жан Пол Мира, началник на Одделението за интензивна нега во една париска болница, и Камиј Лохт, директорот на францускиот Национален институт за здравје, обвинети се на социјалните мрежи за расизам.
Зборувајќи за испитувањата на влијанието на бе-се-же вакцината на коронавирусот, кои се спроведуваат во Европа и во Австралија, Мира рече:„Зошто ова испитување да не го спроведеме во Африка каде што нема маски, лекови, интензивна нега, како што претходно ги спроведувавме истражувањата за сида меѓу проститутките зашто знаевме дека се многу изложени и не се заштитуваат?“.
Со ова се согласи и Лохт, кој додаде дека се размислува за слична студија во Африка.
Оваа изјава наиде на бура критики на социјалните мрежи, а во првите редови беа фудбалерите со африканско потекло. Така, Дидие Дрогба, поранешен фудбалер на Челзи, напиша дека „Африка не е лабораторија за тестирање“.
Сенегалскиот фудбалер Демба Ба,кој игра во Истанбул, напиша: „Добредојдовте на Запад, каде што белците мислат дека се толку супериорни за расизмот да стане потполно банален. Време е да се побуниме“.
Bienvenue en occident , la où le blanc se croit tellement supérieur que racisme et débilité deviennent banalité. TIME TO RISE ✊? pic.twitter.com/R08R7K9QAw
— Demba Ba (@dembabafoot) April 2, 2020
Фудбалерот на Челзи со потекло од Сиера Леоне, Антонио Ридигер, посочи дека му било потребно време да најде зборови за овие луѓе.
„Двајца француски лекари на ТВ предложија експериментот со вакцината за Ковид-19 да се спроведе во Африка. Како Африканците да се животни. Срамно! Ова е расизам на највисоко можно ниво!“.
На критиките им се придружија некои француски политичари од левицата и невладини организации за човекови права, а здружението на адвокати од Мароко најави тужба против лекарите.
Од друга страна, францускиот Национален институт за здравје посочи дека станува збор за изјава извадена од контекст и дека лекарите всушност сакале да кажат дека Африка не смее да биде исклучена од истражувањата и од помошта во борбата против коронавирусот.
Мира ѝ се извини на јавноста ако погрешно го разбрале, додавајќи дека Африка е поизложена на вирусот отколку Европа, бидејќи нема доволно заштитна опрема и дека би било интересно покрај во Европа и во Австралија, слично истражување на биде спроведено и во Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.