Свет
Француските сили убија висок оперативец на Ал каеда во Северна Африка
Бах аг Муса, воен лидер на крилото на Ал каеда во Северна Африка, бил убиен за време на операцијата спроведена од француските трупи на североистокот на Мали, рече министерката за вооружени сили, Флоранс Парли, пренесува РТ.
Познат и како Бамуса Диара, поранешниот полковник на малиската армија важеше за десна рака на Ијад аг Гали, лидерот на најистакнатата џихадистичка група во Мали.
Муса беше на списокот на терористи на САД за организирање бројни напади во регионот.
Парли ја опиша операцијата на француската војска како голем успех во борбата против тероризмот.
„Историска фигура на џихадистичкото движење во Сахел, Бах аг Муса се смета за одговорен за неколку напади против малиските и меѓународните сили“, рече таа.
Групата, наречена Џамаат Нусрат ал-Ислам вал-Муслимин (ЈНИМ), е обвинета за напад на војници и цивили во Мали и во соседната Буркина Фасо.
Франција, поранешна колонијална сила, распореди повеќе 5.100 трупи низ целиот регион, а голем дел од нив се во Мали. Француската операција „Баркане“ неодамна ја засили борбата против исламистичките екстремисти во Западна Африка.
„За време на воздушните напади на 30 октомври, повеќе од 50 џихадисти беа неутрализирани во Мали“, рече Парли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.