Европа
Француски пратеник: Франција да го вразуми Зеленски, дојде време
Франција треба да заземе разумна позиција, да ја запре испораката на оружје за Киев и да го вразуми Владимир Зеленски, изјави лидерот на политичкото движење „Стани, Франција“.
Никола Дипон-Енјан објаснува дека тоа би го спречило продлабочувањето на социјалната и економската криза во Европа.
„Франција мора да се дистанцира и да заземе позиција на арбитер, бидејќи целта на Зеленски повеќе не е одбрана на Украина, туку има намера да го жртвува својот народ со тоа што ќе стане инструмент за уништување на Русија. Ова е сериозна грешка“, рече тој.
Пратеникот повика да се следи примерот на поранешниот француски претседател Жак Ширак (1995-2007), кој одби да ја поддржи американската инвазија на Ирак во 2003 година.
Според политичарот, ситуацијата околу украинскиот конфликт „излезе од контрола“ и „ја влече Европа во економско и социјално самоубиство“.
Дипон-Енјан смета дека борбите во Украина се во интерес на САД и Кина, бидејќи Москва е се’ поблиску до Пекинг, а Европа тоне во економска и социјална криза.
„Дојде време да се постигне мир, да се постигне компромис меѓу двете страни, да се смири Зеленски. Неопходно е целосно да се укинат економските санкции, да се запре испораката на оружје во замена за прекин на огнот и преговори. Овој масакр треба да се запре , бидејќи Украинците се тие кои ја плаќаат високата цена“, рече тој.
„Русија е голема сила и никаде нема да исчезне. Мораме да ја убедиме Русија, но и Зеленски. Мораме да ги заштитиме интересите на Франција. Франција не сака енергетска, социјална и економска криза, бидејќи тогаш нашите најдобри компании ќе заминат до САД и Кина и токму тоа се случува“, заклучи пратеникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои, освен германско, имаат и руско државјанство, се уапсени во Германија поради наводно планирање саботирање воени објекти, вклучително и американски, со цел да ја поткопаат воената поддршка за Украина, соопшти денеска германското Обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на Обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“, во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.