Свет
Хакери го нападнаа Министерството за финансии на САД
Интерниот систем за електронски пораки на Министерството за финансии на САД бил компромитиран, наводно, преку услугата Office 365 на Мајкрософт, а група анонимни извори за софистицираниот упад ги обвинуваат руските хакери, пренесува РТ.
Хакерите ги таргетирале Министерството за финансии на САД и Националната администрација за телекомуникации и информации на Министерството за трговија и постоеше загриженост кај американските разузнавачки агенции дека истите сторители може да имаат пристап до интерните комуникации на другите владини агенции, објави Ројтерс во неделата, повикувајќи се на извори запознати со истрагата.
Натрапниците очигледно добиле пристап до внатрешната е-пошта преку услугата заснована на „облак“ во Мајкрософт Office 365, а анонимни извори го нарекоа нападот многу софистициран и заклучија дека дефинитивно го извршила држава. Дури три од тие извори изјавија дека во моментов се верува оти Русија стои зад нападот.
За да ги отфрли сите сомнежи, Ројтерс потсети на неодамнешното хакирање на истакнатата американска фирма за сајбер- безбедност „Фајр ај“, за што исто така беше обвинета Москва едноставно затоа што тоа би било „конзистентно“ со она што анонимни официјални лица и главните медиуми известуваат за Русија.
Нападот беше откриен неодамна и, наводно, довел до состанокот на високо ниво на Советот за национална безбедност во Белата куќа викендов, но имаше индиции дека на некои комуникации им било пристапено незаконски уште летово. Ниту Мајкрософт ниту Министерството за финансии се уште немаат излезено со официјални коментари, Министерството за трговија потврди упад во една од своите агенции, но не даде детали.
„Побаравме од Агенцијата за безбедност на интернет и инфраструктура и од ФБИ да истражат, и засега не можеме да коментираме дополнително“, соопштија тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.