Европа
Хаос пред продавниците во Британија, луѓето побрзаа на шопинг по карантинот
Продавниците низ Велика Британија ги отворија своите врати и им понудија на клиентите големи попусти, од кои некои достигнуваат до 70 проценти.
Ова создаде огромни редици и метеж пред продавниците, а британските медиуми беа преплавени со фотографии од хаосот што настанал пред голема продавница на „Најки“ во Лондон.
„Стотици клиенти на Најки ги игнорираат мерките на дистанцирање во обид да се пробијат во продавницата Оксфорд стрит, а илјадници стојат во редови пред продавниците на Примарк низ Велика Британија, бидејќи продавниците се отвораат за првпат по три месеци“, пишува „Дејли мејл“, кој во насловот имаше драматичен заклучок: „Би умреле за добар попуст!”
The scenes outside stores this morning. Particularly the Nike store in London. What are they desperate to buy? Haven't they heard of online shopping?
— Lordy_Lawman (@LawmanLordy) June 15, 2020
Иако постои правило за растојание од два метри, сите правила паднаа во вода кога продавницата на „Најки“ ги отвори своите врати еден час порано од очекуваното и луѓето почнале да ги прескокнуваат оградите за да бидат првите што ќе влезат внатре.
#BLM #Primark Rioting stops in London as BLM members hear that Primark stores are now open pic.twitter.com/SI5d2zbjoA
— Grimm Reepaah (@GReepaah) June 15, 2020
Некои клиенти се пожалиле на социјалните мрежи дека одредени продавници воопшто не се обиделе да одржуваат мерки на претпазливост. „Можеби треба да размислите за вашиот план за некои компании што очигледно не се грижат за безбедноста и здравјето, туку само за парите“, рекоа некои твитерџии, обележувајќи го британскиот премиер Борис Џонсон.
„Дејли мејл“ пишува дека во Брајтон, пред некои продавници, редот започнал да се формира во три часот наутро. Некои продавници дополнително одлучиле да привлечат клиенти со огромни попусти, па на пример „Зара“ ја намалила облеката до 70 проценти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.