Свет
Хејли: Вашингтон ќе дејствува против Асад и без дозвола од ОН
САД ќе дејствуваат против сириската влада со или без благослов од Обединетите нации, порача американскиот претставник во ОН, Ники Хејли, обвинувајќи го рускиот опструкционизам за дозволување на наводната употреба на хемиско оружје во Сирија и пошироко.
„Ние сме надвор од прикажување слики на мртви бебиња. Ние сме надвор од апелите за совест. Достигнавме момент кога светот мора да ја види правдата”, изјави Хејли вчера во Советот за безбедност обвинувајќи ја Русија за поддршка на чудовиштето Асад, кој, како што рече таа, убива деца со хемиско оружје.
„Рускиот режим, чии раце се покриени со крв на сириските деца, не може да се срами од сликите на неговите жртви. Ние се обидовме пред тоа”, рече Хели додавајќи дека „ниту една цивилизирана влада нема да има никаква врска со убиствениот режим на Асад”.
Москва ги оспори тврдењата на невладините организации „Бели шлемови” и „Џејш ал-Ислам” (армија на исламот) поддржани од Западот, дека сириската влада спроведе хемиски напад врз цивили во предградието на Дамаск, Дума. Претставникот на Русија во ОН, Василиј Небензиа, го нарече тоа „лажни вести” истакнувајќи дека не се пронајдени траги од наводниот напад во областа откако сириските сили ја ослободија од милитантите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.