Европа
Хотел платил откуп на хакери во биткоини за да им ги ослободат гостите
Еден од врвните хотели во Европа, објави дека морале да платат откуп во Биткоин валутата на хакери, кои им го презеле системот за отклучување и заклучување на вратите од собите, со што гостите или биле заклучени внатре или не можеле да влезат.
Бесните менаџери на хотелот„Romantik Seehotel Jaegerwirt“, луксузен хотел со 4 ѕвезди на падините на австиските Алпи, решија да го објават ова јавно, за и другите да се заштитат од слични напади.
Тие очекуваат ваквите напади да бидат се почести, а веќе контактирале со неколку колеги од браншата, од каде им кажале дека и тие се соочиле со сличен хакерски напад.
Хотелскиот менаџмент соопшти дека хотелот веќе трет пат е цел на сајберкриминалците, а последниот пат спеале потполно да го блокираат системот на заклучување. Гостите не можеле да влезат ни да излезат од собите, а клучевите не можеле да бидат репрограмирани.
Нападот се случил за првиот викенд од зимската сезона, кога хотелот бил полн, имало резервации за 180 гости. Хакерите не само што го презеле системот за заклучување, туку го нападнале и системот за резервации и системот за благајната.
Тие ветиле дека ќе го ослободат системот доколку им бидат платени 1.500 евра во Биткоин валутата.
Менаџерите овојпат решиле да го платат откупот, затоа што првите два пати им биле потребни многу повеќе пари за рестартирање на системот.
„Не добивме отштета од осигурувањето затоа што немаше кого да обвиниме не можеше да ги најдеме кои се“, вели менаџерот на хотелот.
Според него, поевтино било да им платат на хакерите, но сепак, вели дека секое евро платено на криминалци ги боли.
Кога хакерите ги добија парите, системот проработе нормално. Сепак, хакерите си оставиле отворена „задна врата“, за да можат да нападнат пак.
Но, четврти пат нема да има, тврдат од хотелот, затоа што сменети се компјутерите, а во системот се вградени последните безбедносни стандарди.
„Seehotel Jaegerwirt“, кој опстојува веќе 111 години, има уште едно иновативно решение за овој проблем. „На следното реновирање на хотелот, ќе ставиме врати како пред 111 години, во времето на нашите прадедовци, со нормален клуч, старовремски“, вели менаџерот.
Да се користи Биткоинот како валута за отплата во сајберкриминалот е во пораст, затоа што да се следат исплатите е многу потешко, поради начинот на кој оваа криптовалута функционира./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.