Свет
Цените на нафтата во слободен пад, Норвешка ќе загуби милијарди
Иако Норвешка е еден од главните инвеститори во високо-технолошките и „зелените” иновации, економијата во Норвешка останува силно зависна од екстракција на нафта и гас и на милост и немилост на глобалните цени на нафтата и на гасот. Според националниот буџет, дури и пад од само еден долар во глобалната цена на нафтата за барел значи загуба од 470 милиони долари за државните приходи.
Од последната највисока цена на почетокот на октомври, цената на нафтата од Северното Море падна за околу 150 круни (17 долари) за барел поради зајакнување на доларот. Норвешката национална радиотелевизија НРК ги опиша цените како „камен што тоне”.
НРК наведе пет причини за падот на цените што доведе до пад на приходите.
Прво е поголемото производство од ОПЕК и САД кои го преплавија пазарот со нафта. Второ, САД им одобрија на повеќе земји исклучок од своите санкции против Иран. Колку повеќе држави увезуваат иранска нафта, толку е позаситен пазарот. Трето, експертите предвидуваат пониска побарувачка, што дополнително ќе ги намали цените. Четврто, твитот на американскиот претседател Доналд Трамп дека цените на нафтата треба да бидат пониски, што се толкува како спротивно на мерките на САД за зголемување на цената. Петто и последно, многу шпекуланти лошо ја предвидоа насоката во која се движи пазарот, а сега се очајни да продаваат, што дополнително ја намалува цената на нафтата.
Според НРК, годишниот ефект од ова ќе изнесува 64,5 милијарди норвешки круни (7,5 милијарди долари) што одговара на околу 640 милиони долари месечно или 21 милион долари дневно.
Нафтената индустрија е многу профитабилен бизнис за Норвешка, обезбедувајќи ѝ 17 отсто од БДП и 21 отсто од државните приходи. Вкупниот нето готовински приход на владата од нафтената индустрија се очекува да изнесува 201 милијарда долари во 2018 година и 33,5 милијарди долари во 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.
Свет
(Видео) „Очајно сакаме да јадеме нешто“: илјадници патници заробени на аеродромот во Дубаи останаа без храна
Туристите заглавени на аеродромот во Дубаи изјавија дека очајно бараат храна, а во исто време остануваат без вода поради големите поплави предизвикани од дожд и грмотевици, јавува Би-би-си.
Речиси 50 лета беа откажани во вторникот, а на социјалните мрежи се појавија снимки од луксузни автомобили, кои пливаат во порои од вода и поплавени трговски центри, како и потопени аеродроми.
Надлежните упатија предупредување до граѓаните да останат дома, но патниците останаа на аеродромите и велат дека чекаат со часови и немаат информации. На шалтерите имаше голем метеж, како и групи луѓе што извикуваа, ракоплескаа и свиреа во знак на протест.
Според интернет-страницата за следење летови Flight Aware, 150 лета, кои требаше да го напуштат меѓународниот аеродром во Дубаи, биле одложени, а 120 биле откажани. „Емиратите“, водечката авиокомпанија во Дубаи, најави суспензија на услугите до четврток наутро.
Dubai Airport right now
pic.twitter.com/FX992PQvAU— Science girl (@gunsnrosesgirl3) April 16, 2024
„Во моментот се соочуваме со значителен прекин поради временските услови и континуирано работиме со нашите тимови за одговор при итни случаи за да ја вратиме нормалната работа што е можно побргу“, објави Меѓународниот аеродром во Дубаи на социјалната мрежа Х во средата.
Како што соопштија, летовите продолжуваат и денеска од терминалот 1, со напомена дека патувањето е можно само со потврдени резервации бидејќи летовите сè уште се откажани и доцнат.
Патниците преживуваа само со користење на услугите на царинските продавници, каде што производите се ослободени од локални или државни даноци, под услов да ги купуваат туристите што потоа ќе плаќаат царина и даноци во земјата на дестинација, пренесува медиумот. Џејмс и Елизабет Дивајн од Кембриџ останале заглавени на погрешен аеродром со својот шестмесечен син кога, враќајќи од свадба, нивниот лет во Сиднеј бил пренасочен. Тие слетаа на аеродромот Dubai World Central, кој е оддалечен повеќе од 80 километри од нивната наменета дестинација.
„Рестораните се затворени, единствената храна што ја имаме е од продавниците на аеродром, така што нема храна за бебиња или мали деца. Нема ниту пелени, па ги делиме со другите патници, на кои исто така им требаат“, рече Џејмс.
Имајќи предвид дека постојано пристигнуваат нови патници, Џејмс проценува дека моментно на аеродромот има стотици, ако не и илјадници луѓе. Како што велат, чекаат 13 часа, а паниката постојано расте поради недостигот на храна и вода.
Маргарет и Дерек Мекартур од Шкотска во средата требало да заминат од Дубаи за Токио. Тие пристигнале за качување во 6 часот наутро, но 13 часа подоцна сè уште немаат алтернативен лет или објект во кој би можеле да преноќат. „Немаме храна, досега пиевме само кафе. Очајни сме да јадеме, не ни дадоа ваучери и не знаеме што се случува“, рекла Маргарет.
Мат Вер, кој десет години живее во Дубаи, се присети на големиот застрашувачки облак што се појави на небото во вторникот попладне. „Небото стана целосно црно, зелено и апокалиптично, видов дека доаѓа бура. Дубаи остана под вода, илјадници куќи беа целосно поплавени“, изјави Вер.
Во вторникот Обединетите Арапски Емирати (ОАЕ) забележаа најголем број врнежи отколку пред 75 години. Дождот не е вообичаен во ОАЕ, но повремено се појавува за време на постудените зимски месеци.
Училиштата ќе останат затворени до следната недела, а работата од дома е продолжена за уште еден ден за повеќето вработени во владата. Претседателот исто така нареди семејствата погодени од невремето да бидат преместени на побезбедни локации. Најмалку едно лице загина во поплавата, 70-годишен маж, кој се удави во автомобил во Рас Ал-Каима, а неодамна беа објавени фотографии што покажуваат како водата ги поплавува и пустинските области.
Свет
Четири руски ракетни фрлачи и авиони сериозно оштетени на Крим, соопшти Украина
Во украинскиот напад на воениот аеродром на Крим вчера сериозно се оштетени четири ракетни фрлачи, три радарски станици и друга опрема, соопшти украинската воена разузнавачка агенција.
Четири ракетни фрлачи земја-воздух „С-400“ и контролен пункт за воздушна одбрана стациониран во воздухопловната база Џанкој се меѓу опремата што е „уништена или критично оштетена“, објави агенцијата на „Телеграм“, пренесе „Ројтерс“.
Агенцијата додава дека во нападот биле уништени или оштетени и голем број авиони. На неколку сметки на каналот „Телеграм“ вчера се појави информација за силна експлозија во Џанкој. „Ројтерс“ не можеше да ги потврди наводите, а Русија официјално не ги коментира.
Украинската агенција не даде информации за тоа какви средства се употребени за нападот, кој го опиша како успешен.
Претседателот на Украина, Володимир Зеленски, претходно ѝ се заблагодари на армијата за прецизноста вклучена во операцијата.