Свет
Чарлс прогласен за крал на Австралија и Нов Зеланд
Кралот Чарлс беше официјално именуван за шеф на државата на Австралија и Нов Зеланд на церемониите во неделата во главните градови на тие земји.
Во Нов Зеланд, парламентот во Велингтон го одржа прогласувањето на Чарлс за монарх, на местото на кралицата Елизабета, која почина во четвртокот на 96-годишна возраст.
Зборувајќи од скалите на Парламентот, премиерката Џасинда Ардерн кажа дека по смртта на кралицата, Нов Зеланд влезе во време на промени.
„Кралот Чарлс… постојано ја покажува својата длабока грижа за нашата нација“, рече таа. „Нашите луѓе длабоко ја ценат оваа врска, не се сомневам дека ќе се продлабочи.
Во Австралија, генералниот гувернер Дејвид Харли, претставник на британскиот монарх во Австралија, го прогласи кралот Чарлс за шеф на државата во Парламентот во Канбера. Прогласот беше одбележан со истрелување на 21 топ.
Британскиот монарх е шеф на државата во Австралија, како и во Нов Зеланд, иако неговата улога е главно церемонијална.
Претходно, австралискиот премиер Ентони Албанес рече дека национален ден на жалост за кралицата ќе се одржи на 22 септември. Албанес рече дека ќе отпатува за Лондон во четврток, ќе присуствува на погребот на кралицата на 19 септември, а потоа ќе се врати во Австралија на 21 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.