Европа
Чесите регистрираат пабови како партиски одбори за да може да продолжат со работа
Речиси низ цела Европа не постои земја во која угостителските објекти не се барем делумно затворени.
Угостителите протестираат на различни начини. Така, минатиот викенд оние во Виена накратко ги отворија вратите и запалија свеќи, а нивниот пример беше прифатен во Германија и во Швајцарија.
Но, чешките угостители отидоа чекор понатаму. Голем број тамошни ресторани и пабови отворија денеска и почнале да им служат на гостите, иако заклучувањето во Чешка е сè уште на сила. Станува збор за иницијатива за протестно угостителство со назив „Цркна ПЕС-от“, именувана по кратенката за чешкиот епидемиолошки систем (ПЕС), што на чешки значи куче.
Група угостители од Чешка собрани околу иницијатива започната на интернет, решиле да преземат акција. Имено, тие основале политичка партија и ги поканиле сите ресторани, кафулиња, пабови и барови кои сакаат да работат да се регистрираат како локални партиски комитети во кои членовите на партијата одржуваат политички состаноци. Колку за појаснување, работата на политичките партии е дозволена во Чешка.
„Секој ресторан што ќе аплицира ќе биде регистриран како партиски комитет. Таму ќе се одржуваат состаноци, а гостите ќе бидат членови на нашата политичка партија. Состаноците на локалните собранија, политичките партии и парламентот се изземени од законот за вонредни состојби“, изјавил пред новинарите водачот на движењето на отпорот на чешките угостители, Јиржи Јанечек.
Од некои други европски земји најавија дека ќе ја разгледаат чешката иницијатива и евентуално ќе ѝ се придружат на истата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.