Свет
Четворица сириски војници повредени во напад на Дамаск
Блесоци и експлозии го распараа ноќното небо над сирискиот главен град Дамаск, но воздушната одбрана пресретна мнозинство од ракетите, јави сириската новинска агенција САНА, нарекувајќи го нападот „израелска агресија“.
Video reportedly of active air defense over #Damascus this evening. pic.twitter.com/tx0bFV9KPP
— Aurora Intel (@AuroraIntel) April 7, 2021
Четири сириски војници се повредени во нападот, кој исто така предизвика материјални загуби, јави САНА. Ракетите наводно влегле од правец на Либан, како и од Голанската Висорамнина, територија окупирана од Израел од 1973 година.
Images reportedly from Qudssaya, West #Damascus, #Syria. Unknown if impact from strike or air defense pic.twitter.com/1u0k8kEfqh
— Aurora Intel (@AuroraIntel) April 7, 2021
Имало извештаи за огромна експлозија западно од Дамаск околу 1 часот по полноќ по локално време во четвртокот.
Video of a reported impact this evening in #Damascus, #Syria, unclear if strike or failed Air Defense pic.twitter.com/lkX0R2Dw3C
— Aurora Intel (@AuroraIntel) April 7, 2021
Израел рутински изведува воздушни напади во Сирија, велејќи дека тие се насочени кон иранските средства. Техеран го поддржува Дамаск во војната против терористите на Исламска држава, како и исламистичките милитанти поддржани од Турција и од Западот, кои почнаа востание против владата на претседателот Башар ал Асад во март 2011 година.
Нападот утринава беше прв од 16 март и деветти од јануари, посочува „Џерусалим пост“. Израел официјално не го коментираше нападот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.