Европа
Чеченците објавија видео од Мариупол, Кадиров: Градот е под наша контрола
Чеченскиот лидер Рамзан Кадиров објави видео од чеченските војници од Мариупол, велејќи дека чеченските трупи ја презеле контролата врз секоја педа од пристанишниот град во јужна Украина.
Во неговото обраќање, Кадиров вели дека Украинците ги предвиделе речиси сите сценарија, но не успеале да ја предвидат храброста на чеченските војници.
Тој додава дека чеченските војници, под команда на Адам Делимханов, работеле на највисоко ниво за целосно да го окупираат градот.
„Целата територија е систематски исчистена од националисти, сатани и секое друго ѓубре. Заземена е административната зграда на металуршкиот комбинат Азовстал, која е од посебно стратешко значење“ изјавил Кадиров.
?Čečeni objavili snimak iz Mariupolja
Kadirov: "Grad je pod našom kontrolom" ⤵️ #MariupolNow #UkraineRussiaWar #BREAKING pic.twitter.com/jti9xGulrw
— Dnevni avaz (@DnevniAvaz) April 22, 2022
Според него, припадниците на украинската армија кои останале во Мариупол се во бункери под Азовстал.
„Сигурен сум дека овие ѕидови се последното нешто што ќе го видат во животот. Поради нехуманите методи на националистите, нашите војници повремено имаа потешкотии. Фашистичката толпа намерно избра позиции за стрелање во непосредна близина на станбените згради. Поради тоа, задачите за ликвидација станаа покомплицирани“, истакнал чеченскиот лидер.
На крајот од своето обраќање тој изразил благодарност до секој командант, војници и доброволци кои дале непроценлив придонес во освојувањето на Мариупол, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.