Свет
Чешкиот премиер: Нелегалната миграција е закана за европската цивилизација!
Чешкиот премиер, Андреј Бабиш, го осуди претходниот пристап на Меркеловата Германија и на ЕУ кон нелегалната имиграција што тој ја нарече „закана за европската цивилизација”. Андреј Бабиш, популистичкиот тајкун со словачко потекло што понекогаш го арекуваат чешкиот Трамп, за националната телевизија изјави:
„Не сакаме да живееме тука како во Африка или како на Блискиот Исток. Мора да ја прекинеме миграцијата од овие места“.
Бабиш нагласи дека ако имиграцијата не биде ставена под контрола, ќе се зголемат гневот и разочарувањето кај јавноста, предупредувајќи дека „Хемниц е зад аголот”, референца за големите протести против германската политика за мигрантите по фаталното прободување на локален жител од страна на еден Ирачанец и еден Сириец со дебели полициски досиеја.
„Тука имаме 1,5 милиони нелегални мигранти. Нашата политика за враќање е лоша “, додаде лидерот на АНО, мислејќи на слабиот извештај на ЕУ за вратените лажни баратели на азил, вклучувајќи го и споменатиот Ирачанец од Хемниц.
Меѓу нив се и убијците како Анис Амри, кој воопшто не требаше да биде во Германија кога со украден камион влета во преполниот Божиќен пазар. Амри лажел за својата националност, користел повеќе лажни идентитети и требало да биде депортиран, но не бил уапсен.
Како лидер на една од државите во Вишеградската група од Централна Европа кои се спротивставија на масовната миграција и мултикултурализмот, Бабиш беше жестоко ги нападна оние западноевропски земји кои сé уште ги туркаат политиките за отворени граници.
„Ако сакаат да имаат повеќе приврзаници на Исламската држава во Франција, Холандија или Белгија отколку што имаат сега, тоа е нивен проблем”, рече тој.
Бабиш беше многу јасен дека Чешка, исто како и како Унгарија, Полска и Словачка, ќе продолжи да им се спротивставува на обидите на ЕУ да се редистрибуираат мигрантите кои пристигнуваат во ЕУ под системот за задолжителни квоти.
„Изгубивме четири години во глупави дебати за квотите. Накусо, пораката што се испраќа е дека Европа е отворена и дека ние мора да се грижиме за сите што доаѓаат нелегално и ќе ги распределиме меѓу нас”, објасни тој во одделното интервју, обвинувајќи ги мигрантите за купување на азилот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Свет
Си-ен-ен: Сателитските снимки покажуваат дека во Исфахан нема поголеми штети
Според сателитските снимки од вселената до кои ексклузивно дојде Си-ен-ен, се чини дека нема поголема штета во воздушната база која наводно била цел на израелскиот напад во Исфахан.
Сателитски снимки се направени околу 10:18 часот по локално време. Се чини дека нема големи кратери во земјата и нема видливи уништени згради. Меѓутоа, за да се знае со сигурност дали има некаква штета, ќе бидат потребни дополнителни визуелни сателитски снимки, пишува Си-ен-ен.
Сликите не се како обичните сателитски снимки бидејќи се создадени од сателит кој испраќа радарски зраци кои можат да поминат низ облаците, како оние што моментално ги спречуваат сателитите да ја сликаат областа. Овие радарски зраци се одбиваат од објектите на земјата и се враќаат назад кон сателитот.
Иранската новинска агенција ФАРС објави дека една од можните цели бил воен радар во воена база во провинцијата Исфахан, а единствената штета од нападот се скршени прозорци во неколку деловни згради.
Сликите исто така покажуваат дека иранските F-14 Tomcats кои во минатото беа стационирани во воздухопловната база во моментов ги нема. Дополнителни архивски сателитски снимки прегледани од Си-ен-ен покажуваат дека тие F-14 Tomcats не биле таму некое време.