Свет
Чиле вакцинира 140.000 луѓе на првиот ден од масовната имунизација
Речиси 140.000 лица биле вакцинирани против Ковид-19 на првиот ден од кампањата за масовна имунизација, која почна вчера во Чиле, јави БТА.
Повеќе од 1.400 центри за вакцинација почнаа со работа во целата земја дистрибуирајќи повеќе од еден милион дози на вакцини во кинеската лабораторија „Синовак“. Минатата недела Чиле доби вкупно 4 милиони дози.
„Првиот ден 140.412 лица ја примија вакцината што нè исполнува со гордост и радост и ни овозможува да најдеме начин да го победиме коронавирусот“, се вели во изјавата на чилеанскиот министер за здравство, Енрике Парис.
Во моментот е во тек кампањата за имунизација на лица постари од 90 години.
Вкупно 210.000 лица веќе се вакцинирани во земјата бидејќи кампањата за имунизација за здравствените работници почна на 24 декември. Првите 154.000 дози беа од вакцините на „Фајзер“ и „Бионтек“.
Владата постави цел да се вакцинираат околу 5 милиони луѓе до крајот на март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Апсења во Пакистан по снимка во која брат ја убива сестрата, таткото гледал сè
Пакистанската полиција уапси татко и брат, откако видеото од провинцијата Пенџаб на кое брат ја дави својата сестра додека таткото гледа, стана вирална, соопштија официјални лица.
Настанот предизвика шок и бес во нацијата која се бори со бранот насилство врз жените. 22-годишна девојка била убиена од нејзиниот брат додека нејзиниот татко гледал, а непознато трето лице го снимило злосторството, изјави за ДПА претставник на локалната полиција Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
И таткото и братот ѝ кажале на полицијата дека со години ја силувале жената и ја убиле за да го сокријат своето злосторство, изјави полицискиот службеник Мохамед Имран.
Се спроведуваат рации за апсење на лицето кое наводно го снимило злосторството.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.