Европа
Шведска ги укина сите мерки
Шведскиот институт за јавно здравје објави дека пандемијата во таа земја е ставена под контрола и дека се укинати мерките воведени во борбата против ширењето на коронавирусот. Во соопштението се наведува дека мерките се олеснети од почетокот на јуни, а денеска се целосно укинати.
Во соопштението се додава дека носењето маска и ПЦР-тестирањето и понатаму ќе биде задолжително за патниците во авионите, бидејќи тоа е меѓународна норма воведена среде пандемија, пренесува агенцијата Анадолија.
Дека сите мерки ќе бидат укинати, беше објавено претходно овој месец на прес -конференција од министерката за јавно здравје и социјална заштита Лена Халенгрен и директорот на Институтот за јавно здравје Јохан Карлсон.
Одлуката за укинување на ионака благите мерки се заснова на високата стапка на вакцинација и ниската стапка на смртност од Ковид-19.
Во Шведска, 83,6 проценти од возрасната популација ја прими првата доза на вакцината, а 76,5 проценти од таа популација ја прими втората доза. Третата доза на вакцината започнува денеска во Шведска.
Од денес, веќе нема ограничувања за бројот на учесници на јавни собири, како што се концерти или натпревари. Од 15 јули, бројот на учесници беше ограничен на 3.000 на отворено и 300 во затворен простор. Укинати се и ограничувањата за приватни собири во затворени простории, на кои досега не можеа да присуствуваат повеќе од 50 луѓе. Но, можеби најизненадувачки е повлекувањето на препораката за работа од дома, што значи дека многу компании, јавни и државни институции ќе ги повикаат вработените да се вратат во своите канцеларии по една ипол година.
„ Се покажа дека вакцините се ефикасни. Имаме добра покриеност за вакцинација и јасно го гледаме ефектот од вакцинацијата. Имаме најниска стапка на смртност во Европа. Ограничувањата што сега ги укинуваме веќе не можат да се оправдаат од гледна точка на јавното здравје. Вакцинираните од денеска начелно можат да живеат како и порано, а невакцинираните ризикуваат сериозни болести “, рече Карлсон, додавајќи дека шведските граѓани мора да прифатат дека Ковид-19 стана дел од нивниот секојдневен живот.
Според Карлсон, болеста влијае главно на невакцинирани луѓе, така што интензивната кампања за вакцинација продолжува на сите возрасти, особено кај тинејџерите на возраст од 16 до 18 години
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.