Свет
Шведски научник предлага канибализам за борба против климатските промени
Шведскиот бихевиористички научник Магнус Содерлунд вели дека јадењето други луѓе по нивната смрт може да биде средство за борба против климатските промени.
Содерлунд ја спомена можноста за канибализам во емисија на шведскиот телевизиски канал „ТВ4“ неделава посветена на саем во Стокхолм за „храната на иднината“. Тој треба да одржи семинар на овој настан со наслов „Гастро-самит за иднината на храната“, на кој има намера да разговара за можноста за јадење луѓе во име на намалување на стакленичките гасови.
Според неговото истражување, главниот проблем со идејата е широко распространетото табу за јадењето човечко месо и тврди дека конзервативните ставови може да го отежнат убедувањето на Швеѓаните воопшто да ја преземат практиката на канибализам.
Без оглед на веројатниот огромен отпор кон идејата за јадење луѓе, Содерлунд смета дека е важно да се испитаат разни опции во името на одржливоста.
Содерлунд не е сам во повикот да се отфрли канибализмот како табу.
Минатата година познатиот атеист и еволутивен научник Ричард Докинс пропагира за месо создадено во лабораторија и посочи дека тоа може да се искористи за надминување на нашето табу против канибализмот.
Психолозите Џеред Пјаца и Нил Меклачи од Универзитетот „Ланкастер“ исто така го преиспитуваа табуто за канибализмот во статија за „Њусвик“ минатиот месец, но не го поддржаа неговото кршење.
Канибализмот не е единственото алтернативно месо за кое се залагаат активистите за климатски промени. Многумина прифатија имитации на месо од растително потекло, а други го поддржаа месото од инсекти како начин да се намалат стакленичките гасови и да се заштедат земјиштето и водата.
Анкетата на YouGov во Велика Британија откри дека 37 отсто од испитаниците сметаат дека бројот на прехранбени производи што содржат инсекти ќе расте во наредните 10 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.