Свет
Шефот на ООН: Вирусот продолжува да се заканува, помогнете ѝ на Африка
Генералниот секретар на ООН, Антонио Гутереш, повика на глобална солидарност со Африка предупредувајќи дека пандемијата на коронавирусот му се заканува на континентот и на неговиот напредок.
„Постојните нееднаквости ќе се влошат и ќе се зголемат гладот, неисхранетоста и изложеноста на инфекција“, рече Гутереш во видеопораката.
„Побарувачката за африкански добра, туризам и парични дознаки веќе се намалува. Отворањето на трговската зона е одложено и милиони луѓе би можеле да бидат втурнати во екстремна сиромаштија“, рече шефот на ООН.
Тој повика на меѓународна акција за зајакнување на африканските здравствени системи, продолжување на одржувањето на снабдувањето со храна и запирање на финансиската криза. Тој рече дека африканските земји треба да имаат еднаков пристап до каква било вакцина и третман и дека тие самите мора да престанат со конфликтите и да повикуваат на насилен екстремизам.
Гутереш исто така рече дека Африка треба да добие 200 милијарди американски долари од меѓународната заедница како дел од неговиот повик за глобален пакет, голем барем 10 проценти од светскиот БДП.
„Ова сè уште се рани денови на пандемијата во Африка и проблемот може да ескалира многу бргу“, предупреди тој, заклучувајќи:
„Глобалната солидарност со Африка е приоритет – сега и за полесно закрепнување“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.
Регион
Мајката на двегодишната Илиќ донесена во полиција: распитувањето за исчезнувањето на ќерката продолжува
Ивана Илиќ, мајката на двегодишната Данка, е донесена во полиција во Бор, потврдија од полицијата за „Телеграф.рс“.
Нејзиното сослушување продолжува и денеска.
Таа, неофицијално, не е осомничена.
Ќе одговара на прашања за детето, навиките, односот со сопругот, семејството, роднините, пријателите, пренесува медиумот.
Исчезнувањето на детото го пријавила на 26 март годинава во 13.45 часот.
Свет
Полицијата уапси маж во Хемпшир: фрлил 50 мртви животни пред продавница
37-годишен маж е уапсен во Хемпшир откако повеќе од 50 мртви животни биле фрлени пред продавница.
Еден од вработените ја отворал продавницата кога наишол на „ужасна“ сцена, пренесува „Sky News“. Била повикана полиција која пред продавницата пронашла околу 50 мртви зајаци и други животни.
Полицајците на Хемпшир и вооружениот тим истражувале и откриле дека животните биле застрелани со огнено оружје. Дел од животните се заштитени со закон.
Полицијата синоќа соопшти дека тој се уште е во притвор.