Свет
Шпанија од понеделник ги отвора кафулињата, рестораните, кината, театрите…
Строгите мерки во Мадрид и Барселона од понеделник ќе бидат олеснети – ќе бидат отворени рестораните и кафулињата, но само летните тераси, а ќе биде дозволено и на едно место да може да се собере група до 10 луѓе. Во другите региони, пак, што не се толку погодени од коронавирусот, ќе бидат отворени кината, театрите, музеите, училиштата…
Шпанија во некои региони на почетокот од овој месец започна со олеснување на мерките кои беа едни од најстрогите во Европа, но целосните мерки останаа на сила во Мадрид и Барселона поради големиот број случаи на коронавирус во овие градови.
Во Барселона, оваа недела плажите беа отворени за прошетки, но пливањето и сончањето се забранети.
„Секој чекор што го преземаме мора да биде безбеден“, рече министерот за здравство Салвадор Ила. „Со оглед на тоа што процесот на попуштање на мерките е комплексен, сакам да повикам на индивидуална одговорност“, додаде тој.
Баровите и рестораните во Мадрид и Барселона од понеделник ќе може да ги отворат летните тераси, но со половина капацитет.
На црквите ќе им биде дозволено да ги отворат повторно своите врати, а луѓето ќе можат да патуваат надвор од градовите во кои живеат.
Другите области на Шпанија ќе влезат во втората фаза на враќање во нормалниот живот. Во овие региони театрите, кината, уметничките галерии и музеите можат да отворат од понеделник со не повеќе од една третина од капацитетот, некои училишта ќе почнат со работа и повторно ќе бидат дозволени некои активности на отворено, како лов и риболов.
Патувањето помеѓу регионите, сепак, останува забрането.
Шпанија е една од најтешко погодените земји во светот од коронавирусот со 27.940 пријавени смртни случаи и 233.037 заболени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.