Европа
Шпанија тагува по малиот Јулен: „Очите ми се наполнија со солзи кога не го извлекоа жив“
Неизмерна тага ja зафати денеска Шпанија, откако се прошири веста дека извлечено е безживотното тело на 2-годишното момче Јулен, кое пред 13 дена падна во бунар со длабочина од 71 метар. Бидејќи дупката имала дијаметар од само 25 сантиметри, спасувачите не можеле самостојно да се спуштат до двегодишното дете. Околу 300 работници деноноќно беа ангажирани за што поскоро да го извлечат Јулен и покрај малата можност да го најдат жив.
Момчето паднало во бунарот во близина на фарма во областа Тоталан во јужниот дел на Шпанија, каде што било на излет со своите родители.
Инженерите во тешки околности ископаа дупка веднаш до онаа во која паднало детето, а потоа од неа пробиле четири метри долг тунел до другата дупка, за да дојдат до момчето.
Иако изгледите да го поронајдат Јулен жив биле мали, сепак никој не се откажал, ниту изгубил надеж.
Откако во саботата, околу 1:30 часот по полноќ спасувачите конечно го нашле безживотно тело, тага ги преплави луѓето низ цела Шпанија кои речиси две недели до детали го следеа случајот.
„Неговата болка е нашата болка“, рече на прес-конференција Алфонсо Родригез Гомез де Селис, претставник на Владата на Андалузија, покраина каде што се наоѓа местото Тоталан.
Додека родителите на момчето во неизвеснот чекале информации од спасувачките тимови, стотици граѓани од сите делови на земјата испратиле пораки за охрабрување.
„Се разбудив во 5 часот наутро размислувајќи за Јулен. Ја прочитав веста, а очите ми се наполнија со солзи. Не можеа да го пронајдат жив, но беспоштедната заложба на спасувачите ми дава утеха“, напишал извесен Рафаел Гарсија.
Кралскиот дворец во Мадрид се придружи во тагата на шпанските граѓани.
„Нашата болка е длабока. Искрено сочувство до семејството на Јулен. Оддаваме признание на сите оние кои неуморно се обидуваа да го спасат и покажаа солидарност без граници“, се вели во соопштението на кралската палата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.