Свет
Шпанија ја надмина Кина во бројот на смртни случаи од Ковид-19
Шпанија ја надмина Кина во бројот на смртни случаи како резултат на пандемијата на Ковид-19 откако владата објави дека бројот на починати е 3.434.
Шпанското Министерство за здравство соопшти дека во последните 24 часа регистрирало 738 нови смртни случаи од коронавирус.
Вкупниот број случаи на заболени во Шпанија се искачи на 47.610, од 39.673 претходниот ден.
Досега во Кина има 3.281 починат од коронавирус, според официјалната статистика. Земјата од која почна глобалната зараза успеа да ја запре епидемијата на Ковид-19 со строги карантински мерки.
Во меѓувреме, Шпанија не е единствената европска земја што ја надмина Кина во статистиката за смртните случаи. Бројот на починати од ковид-19 во Италија го надмина оној на Кина минатата недела. Досега во Италија има 6.820 пријавени смртни случаи.
Шпанија се бори да се справи со здравствената криза. Мадрид мораше да го пренамени огромното лизгалиште „Паласио де Хиело“ како објект за складирање на телата зашто градските мртовечници немаат капацитет да ги соберат и погребаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година, кога изнесуваше 7,5 милијарди швајцарски франци, пренесува Ројтерс.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Свет
Лидерот на Северна Кореја ја надгледуваше воената вежба: се симулираше нуклеарен контранапад
Северна Кореја ги изведе своите први воени вежби кои симулираа нуклеарен контранапад, објави државната новинска агенција на земјата KCNA, како и други државни медиуми.
Врховниот водач Ким Џонг-ун ја надгледуваше вежбата која беше дел од тестот на системот за управување со нуклеарно оружје на нацијата.
Покрај тоа што севернокорејското раководство сака да ја тестира различноста на сопствените нуклеарни капацитети, тоа беше, според КЦНА, протест против американските и јужнокорејските „провокативни и инвазивни“ воени вежби.
Симулациските вежби на севернокорејската војска вклучуваа маневрирање на војниците во позиција за нуклеарен контранапад и истрелување на лажни нуклеарни боеви глави во случај на предупредување за нуклеарна криза.
Во таа прилика беа истрелани неколку балистички ракети со краток дострел кон морето, во близина на источниот севернокорејски брег.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.