Свет
Шри Ланка воведе полициски час и го блокира пристапот до социјалните мрежи
Владата на Шри Ланка воведе полициски час на територијата на целата држава и го блокира пристапот до социјалните мрежи и апликациите за допишување поради ескалации на насилство по минатомесечниот велигденски напад, во кои беа убиени повеќе од 250 лица.
Воениот командант Махеш Сенанајеке ги предупреди граѓаните да останат во своите домови.
Полицијата соопшти дека полицискиот час во северозападниот дел од земјата ќе биде во сила до следното соопштение, а во преостанатиот дел од земјата до вторник наутро.
Владата наведе дека го блокирала пристапот на социјалните мрежи за да спречи циркулација на дезинформации и ширење информации кои би ѝ наштетиле на хармонијата во заедницата.
Полицијата соопшти дека е уапсен 38-годишен муслимански бизнисмен Абдула Хамед Мохамед Хасмар поради наводно пишување коментари на „Фејсбук“, кои го поттикнале насилството. Тамошните медиуми јавија дека жителите на областа биле гневни поради коментарите, па ја каменувале неговата продавница.
Владата потоа ги зајакна безбедносните мерки во земјата, а полицијата и војниците биле распределени во училиштата, црквите и во клучните владини згради.
Тензиите на Шри Ланка пораснаа кога седум бомбаши самоубијци изведоа напади врз три христијански цркви и три луксузни хотели на 21 април. Одговорност за нападите презеде Исламската држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Граѓаните на ЕУ повеќе претпочитаат печатени отколку електронски книги
Уделот на граѓаните на ЕУ кои купуваат печатени книги, списанија или весници преку интернет е сè уште значително поголем од оние кои купуваат е-книги, списанија или весници, покажува новото истражување на Евростат објавено по повод Светскиот ден на книгата и авторското право, кој се слави на 23 април.
На ниво на ЕУ, во 2023 година, 13,4 отсто од оние што купиле на три месеци пред истражувањето, купиле печатена книга преку Интернет. Тоа беше повеќе отколку во 2022 година (12,7 проценти), но помалку отколку во 2021 година (14,5 проценти).
Во набљудуваниот период, 7,2 отсто од граѓаните во ЕУ купиле е-книга во споредба со 6,6 отсто во 2022 година и слично како во 2021 година. Најголем процент на граѓани кои купиле печатена книга во трите месеци од 2023 година пред истражувањето е во Холандија, во Луксембург и Ирска, над 20 отсто, а најмалите, само малку повеќе од еден отсто, во Кипар.
Во исто време, најголем број на оние кои купиле е-книга е забележан во Данска, 22 отсто, а најмал на Кипар, помалку од еден отсто. Данска и Финска се единствените земји-членки на ЕУ каде што повеќе луѓе купувале електронски отколку печатени книги.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија, на предлог на европратеникот и известувач за укинување на тие визи, Матјаж Немец.
За извештајот на Немец, гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите-членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откако од 1 јануари годинава, беа укинати визите за граѓаните на Косово.
Во ноември 2023 година, Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Свет
(Видео) Драматична снимка од спасување во Минесота, маж беше заглавен во запален автомобил
Група луѓе успеале да скршат запален автомобил и да спасат маж заробен во возилото, а драматичниот момент на спасувањето во Минесота беше снимен.
На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.
Инцидентот се случил минатиот четврток околу 18.30 часот.
Властите соопштија дека „хондата“ скршнала надесно и удрила во столб за осветление, а потоа и во заштитна ограда пред да се запали, создавајќи чад и голем пожар.
Возачот потоа бил пренесен во болница, но не добил сериозни повреди.