Свет
Јапонската новинарка која стана симбол на движењето #MeToo доби отштета од 30.000 долари
Јапонски суд му нареди на ТВ-репортерот од висок профил Нориуки Јамагучи да ѝ исплати 3,3 милиони јени или 30.000 американски долари како отштета на новинарката Шиори Ито, која го обвини за силување, објави Би-би-си.
Ито тврдеше дека Јамагучи ја силувал во 2015 година додека била во несвест. Обвинителството по истрагата сооопшти дека нема доволно докази за кривично дело, па Ито поведе граѓански случај. Таа стана симбол на движењето #MeToo во земја каде луѓето ретко пријавуваат сексуален напад.
„Многу сум среќна“, рече 30-годишната Ито, која имаше знак на кој пишуваше „Победа“ откако беше објавена пресудата.
На прес-конференција неколку часа подоцна Јамагучи рече дека планира да се жали на пресудата и повторно ги негираше обвинувањата за силување.
Според Ито, 53-годишниот Јамагучи, за коgo се зборува дека има блиски врски со премиерот Шинзо Абе, ја поканил на вечера за да разговара за можна работа. Таа се сомнева дека можеби била дрогирана, велејќи дека кога ѝ се вратила свеста била во хотелска соба и тој бил врз неа.
Ито тогаш била практикантка во новинската агенција „Ројтерс“, а Јамагучи бил шеф на канцеларијата во Вашингтон на Радиодифузија Токио, главна медиумска фирма во Јапонија.
По пријавата за силување, била отворена истрага, но полицијата ја прекинала поради недоволно докази. Новинарката рекла дека полицајците ја натерале да го прикаже наводното силување на кукла.
Според една анкета на Владата на Јапонија од 2017 година, само 4% од жртвите на силување го пријавиле злосторството во полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.