Свет
Јужна Кореја апелира за мир во пресрет на средбата помеѓу Трамп и Ким
Во пресрет на долгоочекуваната средба помеѓу американскиот претседател, Доналд Трамп, и севернокорејскиот лидер Ким Џонг-ун, растат и апелите за мир од страна на Јужна Кореја, која досега во преговорите помеѓу двете страни ја имаше улогата на посредник.
Апелите за мир во најголема мера се изразени од страна на невладиниот сектор во Јужна Кореја, па така една од највлијателните мировни организации во земјата, „Небесна култура, светски мир“ организираше тура низ неколку европски земји, каде ги презентираше своите заложби за мир. Делегацијата на организацијата во текот на мај ги посети Украина, Германија, Шведска, Норвешка и Романија, потенцирајќи ја потребата за мирното обединување на двете Кореи.
„Кога сите ние ќе се придвижиме кон патот кон мирот, тој ќе биде постигнат на меѓународно ниво. На идните генерации мора да им оставиме еден мирен свет, каде се надминати разликите поврзани со националностите, расите и религиите“, порача претседателот на јужнокорејската невладина организација, Ман Хи Ли.
Тој исто така додаде дека прашањата на Корејскиот Полуостров полека се придвижуваат од конфронтации кон разговори, и преку одржувањето на меѓукорејскиот самит тензиите помеѓу двете страни се видно намалени, а очекувањата на корејскиот народ за мир и стабилност сè повеќе и повеќе се зголемуваат.
Во меѓувреме, американската делегација задолжена за подготовките на претстојната средба помеѓу Трамп и Ким ќе го продолжи својот престој во Сеул за уште неколку дена, пренесува јужнокорејската агенцја „Јонхап“.
Делегацијата, која е предводена од страна на американскиот амбасадор во Филипините, Сунг Ким, би можела да остане во Јужна Кореја и да ги продолжи разговорите со севернокорејските претставници сè до одржувањето на средбата, закажана за 12 јуни во Сингапур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.