Свет
Јужнокорејската комисија потврди дека експерименталната електрана предизвикала катастрофален земјотрес
Јужнокорејската комисија заклучи дека нивната експериментална геотермална електрана, најверојатно, предизвикала земјотрес со јачина од 5,4 степени, што го погоди Поханг на 15 ноември 2017 година, пишува угледниот магазин „Нејчр“.
Комисијата ги објави своите наоди на 20 март.
Класичната геотермална електрана е како и секоја друга електрана, освен што пареата не е произведена од согорување на фосилните горива или други, туку е испумпана од земјата. Сепак, за разлика од конвенционалните геотермални постројки, кои енергијата ја извлекуваат директно од жешки подземни извори, електраната во Поханг ја вшприцала течноста под висок притисок во земјата и со тоа постигнала висока температура. Всушност, притоа се користела технологија позната како напреден геотермален систем (ЕЕЗ).
Меѓутоа, поради гореспоменатиот притисок, се појавила серија мали ситни земјотреси, кои предизвикале голем земјотрес во 2017 година.
Горенаведениот земјотрес беше втор најсилен и најразорен во модерната историја на земјата. Имаше повредени 135 лица, а вкупната штета изнесуваше околу 290 милиони долари.
Јужнокорејското Министерство за трговија, индустрија и енергетика, кое ги обезбеди средствата за експерименталната постројка, во соопштението вели дека ги прифаќа наодите на комисијата и дека изразува длабоко жалење до граѓаните на Поханг, чиј имот беше оштетен во земјотресот.
Министерството соопшти дека ќе ја демонтираат електраната, ќе го вратат градилиштето во првобитната состојба и ќе инвестираар околу 225 милиони долари за поправка на инфраструктурата на најтешко погодените области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2) за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото и дека сѐ уште го чека извештајот од обдукцијата на синот.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го скрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за „Нова.рс“ изјави дека никој не дошол кај неа да ѝ каже дека син ѝ е претепан, туку дека само полицаецот дошол да ја извести за погребот.
„Не се сомневам дека ќе се дознае кој го убил, од Бор се. Извештајот од обдукцијата сѐ уште не сум го добила, па се надевам дека ќе открие сѐ“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала оти Драгијевиќ починал со насилна смрт, а доказ за тоа се многуте повреди што ги имал на телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“, Дејан Драгијевиќ и Срѓан Јанковиќ, под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го скрие телото на детето.
Телото на Данка сѐ уште не е пронајдено.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.