Свет
„Њујорк тајмс“: Како ќе изгледа светот во 2022 година по пандемијата?
Пандемијата на коронавирус може да го промени светот на истиот начин како што тоа го направија Втората светска војна и големата депресија, оценува „Њујорк тајмс“.
Годината е 2022 и коронавирусот конечно е победен, по година и пол беда и менување на карантинот и нови бранови, животот конечно почнува да се враќа во нормала, вака „Њујорк тајмс“ го почнува текстот во кој се обидува да открие како би изгледал животот во 2022 година, кога светот би излегол на крај со пандемијата.
Враќањето во нормала, сепак, нема да значи враќање на старо. Тоа ќе биде нов свет, со нови економски правила и рецесија, која ќе го промени поредокот на работите за цели идни генерации. Пропаѓаат фирми, се затвораат универзитети, исчезнуваат кината, крузерите…пренесува „Спутник“.
Во текстот се наведува дека иднината, секако, е целосно неизвесна и не постои начин да се предвиди со егзактна прецизност, но актуелната пандемија сè повеќе изгледа како настан што ќе дефинира цела една ера.
„Малку кој може да замисли некое сјајно сценарио, што би можело да се случи во најдобар случај, кога вирусот продолжува да го заплискува целиот свет во бранови и толку многу земји во светот секој ден бројат нови жртви, десетици, стотици и илјадници“.
Како што се нагласува во текстот, работата која ќе влијае на тежината и далекусежноста на последиците од пандемијата е насоката во која се движи самиот вирус.
„Доколку науката набрзо не донесе решение и вирусот не го победиме до крајот на оваа година, промените во секојдневниот живот најверојатно нема да бидат трајни“.
Сите индустрии кои се засновани на меѓучовечки контакт се сериозно загрозени.
Сценариото кое новинарот на „Њујорк тајмс“ го претставува се заснова на претпоставка дека вакцината ќе стигне во некој момент во 2021 година. Сепак,тој напоменува еден важен факт: многу работи нема да се променат.
„Историјата нè учи на тоа – финансиската криза во 2008 година не го урна Волстрит, првиот Афроамериканец претседател на САД не ја однесе оваа земја во доба на расни помирувања… Но, ако пандемијата продолжи и следната година, би можела во колективната свест да ги надмине настаните од претходните неколку децении и да заземе позиција каква што има Втората светска војна – како настан кој ќе го окупира вниманието на целиот свет уште долго време откако ќе биде ставен крај на истиот и оној кој го менува ритамот на секојдневниот живот“.
Економистите со кои разговарал весникот сметаат дека ќе страдаат компаниите со лоши деловни модели, иако добро им одело пред пандемијата. Жртви ќе бидат и локалните медиуми кои веќе се борат за опстанок, како и традиционалниот концепт на купување, а вирусот ги зголемува постоечките проблеми во образовните системи и функционирања на универзитетите.
Навиките е извесно дека ќе се менуваат и за учениците и за студентите и за работниците. Состаноците можеби трајно ќе се одржуваат преку апликациите „Фејс тајм“, „Зум“ и „Гугл мит“.
Некои големи компании во Америка веќе им соопштиле на вработените дека најверојатно засекогаш ќе работат од дома и деловните простории ќе ја загубат својата примарна функција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.