Свет
„Њујорк тајмс“: Нашата истрага не го ослободува Бајден од обвинувањата за сексуален напад
Од кампањата на демократскиот кандидат Џо Бајден велат дека наводите за сексуален напад за кој беше обвинет се демантирани со истрагата на „Њујорк тајмс“. Весникот, кој првично беше критикуван бидејќи премногу меко се однесувал со Бајден, сега тврди дека никогаш не ги отфрлиле обвиненијата.
Тара Риди, која работела во сенатскиот кабинет на Бајден во 1993 година, тврди дека Бајден ја начекал во подрумот на зградата на Капитол Хил и сексуално ја нападнал. Од кампањата на Бајден ги отфрлија обвиненијата и ја користеа статијата на „Њујорк тајмс“ за да ги побие.
„Базфуд њуз“ во вторникот откри дека ангажираните во кампањата на Бајден добиле инструкции да се повикуваат на статијата на „Њујорк тајмс“, објавена на почетокот на овој месец, базирана на истрага што весникот ја спроведе и која, како што велат од кампањата на Бајден, покажува дека не открила никаква шема на сексуална злоупотреба и заклучила дека инцидентот не се случил.
Овие поенти ги повторуваат сите поддржувачи на Бајден во последните неколку дена. Поранешниот кандидат за гувернер на Џорџија, Стејси Абрамс, која сакаше да му се придружи во кампањата на Бајден, ги посочи тие поенти во интервјуто за Си-ен-Ен во вторникот велејќи: „Њујорк тајмс“ спроведе темелна истрага и откриле дека обвинението не е веродостојно. Му верувам на Џо Бајден“.
Но, од „Њујорк тајмс“ велат дека кампањата на Бајден погрешно ја претставува нивната статија.
„Нашата истрага не донесе никаков заклучок. Тимот на Бајден погрешно се повикува на неа кога сугерира дека наводниот инцидент не се случил“, рече потпретседателот за комуникации на „Тајмс“, Даниел Ројадс-Ха, за „Вашингтон егзаминер“.
Покрај тоа, кога весникот напишал дека не откриле никаква шема на сексуална злоупотреба кај Бајден, тој цитат првично вклучувал и дополнителна клаузула: „освен прегратките, бакнежите и непристојното допирање на жените кои претходно посочија дека поради тоа им било непријатно“. Оваа продолжена реченица наводно била избришана на барање од кампањата на Бајден, вели извршниот уредник на „Тајмс“, Дин Бакет.
Новинарите на „Тајмс“ стапиле во контакт со некои од поранешните колеги на Риди, кои рекле дека не се сеќаваат таа да ја спомнала средбата на Бајден во 1993 година. Други, меѓу кои и братот на Риди и двајца пријатели, рекле дека се сеќаваат оти таа го споменала трауматичниот сексуален инцидент. По објавувањето на приказната на „Тајмс“, барем двајца поранешни соработници на Риди ги поддржале нејзините тврдења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.