Свет
Џонсон: Протерувањето руски дипломати е врвот на меѓународната фрустрација
Британскиот министер за надворешни работи, Борис Џонсон, изјави дека координираното протерување руски дипломати покажува дека користењето нервен агенс над поранешниот руски шпион Сергеј Скрипал во Британија довело до врвот на меѓународната фрустрација поради однесувањето на Москва.
Џонсон во интервју за Би-би-си изјавил дека Британија и нејзините сојузници немаат никаков судир со рускиот народ, туку само со администрацијата на претседателот Владимир Путин.
Според шефот на британската дипломатија, за многу влади тоа што се случило во Салсбери на некој начин ги појаснило нивните лични фрустрации, лични разочарувања во начинот на кој Русија се однесува.
Тој го отфрлил предлогот дека тие мерки би можеле да доведат до нова Студена војна со Москва и објаснил дека многу е важно да се нагласи дека судирот не е со Русите, ниту со руската култура, цивилизација, туку исклучиво со Кремељ и моменталната администрација.
Вчера 15 земји на ЕУ заедно со САД, Австралија, Канада, Украина и Албанија одлучија да протераат руски дипломати во знак на солидарност со Велика Британија во случајот со труење на поранешниот руски шпион Скрипал и неговата ќерка Јулија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.