Свет
Џон Болтон ја обвини Русија за кражба на технологија
Коментирајќи ги неодамнешните настани во интервју за американските медиуми, американскиот советник за национална безбедност, Џон Болтон, ја обвини Русија дека гради хиперсонични ракети засновани врз украдена американска воена технологија.
Коментирајќи ја неодамнешната експлозија во воен објект во рускиот регион Архангелск, Болтон шпекулираше дека инцидентот покажува оти иако економијата на Русија е приближно со големина на Холандија, сепак, троши доволно за одбрана не само да го модернизира својот нуклеарен арсенал, туку да се изградат нови видови возила – хиперсонични возила за летање, хиперсонични крстосувачки ракети – главно украдени од американската технологија.
„Справувањето со оваа можност и можноста други земји да го искористат исто така, останува вистински предизвик за САД и за нејзините сојузници“, рече тој, додавајќи дека за инцидентот знаат повеќе отколку што ќе кажат.
На 8 август експлозија го потресе селото Нионокша, во регионот Архангелск. Пет лица загинаа во инцидентот. Руското Министерство за одбрана откри дека експлозијата се случила за време на тест на нов авион, без да даде дополнителни детали.
По инцидентот, медиумите шпекулираат за природата на детонацијата, сугерирајќи, меѓу другото, дека експлозијата би можела да е предизвикана од хиперсоничната нуклеарна ракета Буревесник „скајфол“.
САД и самите крадат туѓи технологии, а ако за нешто такво ја обвинуваат Русија, тогаш нека ја покажат ракетата чија технологија, наводно, се обидела да ја украде, изјави за „Спутник“ првиот заменик-претседател на Одборот за одбрана при Државната Дума на Русија, Александар Шерин.
Шерин напомена дека таквите изјави се некоректни и неприфатливи, но дека за Американците веќе одамна не постои концепт како што е етиката во меѓународните односи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.