Свет
Берлин: Вооружен грабеж на Европскиот покер турнир
Вооружени и маскирани крадци украле околу 800.000 евра, за време на Европскиот покер турнир, во луксузниот берлински хотел „Гранд Хајат“, јавија денеска германските медиуми.
Вооружени и маскирани крадци украле околу 800.000 евра, за време на Европскиот покер турнир, во луксузниот берлински хотел „Гранд Хајат“, јавија денеска германските медиуми.Маскираните ограбувачи вооружени со „калашњикови“ и рачни гранати, прво им се заканувале на вработените во хотелот за да предизвикаат паника, во која неколку луѓе се повредени, а во меѓувреме ги собрале парите од масите за покер.Според податоците на организаторите на Европскиот покер турнир, во нападот учествувале шест ограбувачи, кои се во бегство, но не прецизирале колку пари однеле.Медиумите, кои шпекулираа со цифра од околу 800.000 евра, истакнуваат дека ограбувачите сметале на многу пари, бидејќи на турнирот учествувале познати личности, како Борис Бекер, кој бил на една од масите во четвртокот.Победникот на турнирот требало да добие еден милион евра.Во метежот кој настанал, хотелското обезбедување успеало да совлада еден од ограбувачите, но потоа му помогнале другите.Според најновите информации, турнирот во покер ќе продолжи./крај/тј/бл/ко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.