Свет
Валкани сметки со чистeњето на крвта

Има
и простор и апарати, но нема интерес да се реши проблемот со дијализата во
Скопје, обвини Здружението на бубрежно болни "Нефрон".
Хаос со диЈализата на болните од
бубрежни заболувања
Има
и простор и апарати, но нема интерес да се реши проблемот со дијализата во
Скопје, обвини Здружението на бубрежно болни "Нефрон".
– Иако добивме согласност од тогашниот министер за
одбрана, сега премиер, просторот од 800 квадрати во Воената болница зјае
празен. Со 160.000 евра за овој центар би се решил проблемот со дијализата на
скопските пациенти. Во болницата има и десет апарати, донација од Германија,
кои стојат неискористени – вели Зоран Бојковски, потпретседател на Здружението.
Во Управата на болницата потврдија дека Министерството за
одбрана дало согласност за проширување на одделението за дијализа, но од тоа се
уште немало ништо, бидејќи Министерството за здравство не го довршило проектот.
Таму објаснуваат дека дел од апаратите се донирани во Кавадарци и во Дебар.
Дијализата стана вистинско измачување за болните од
бубрежни заболувања, откако завчера се урна покривот во Поликлиниката
"Чаир" во Скопје, при што беа повредени пациенти и вработени.
Во трите скопски центри за дијализа владее вонредна
состојба. Се бара место за 120 пациенти, кои не може да се дијализираат во
Чаир, се работи во три смени, откажуваат апарати поради преоптовареност, а
некои пациенти мора да одат на лекување во Струга.
За еден пациент од Скопје на дијализа во Струга Фондот за
здравство плаќа по 1.200 денари дневно, односно 1.000 евра за 50 болни, односно
500.000 евра годишно.
Од Министерството за здравство вчера соопштија дека
центарот во Чаир ќе се санира за две недели, а проблемот со дијализата ќе се
реши до крајот на годинава. Дознаваме дека завчера на итен состанок министерот
за здравство побарал поддршка од "Нефрон" за да ги даде под концесија
центрите за дијализа.
– Овој хаос со дијализата е рак-рана со години, но сега
мора комплетно да се реши. Жално е да не третираат само како бројки. Оние што
мора да се дијализираат во трета смена, по 18 часот, ќе имаат проблем со
превозот, бидејќи многу од нив живеат во приградските населби. Има и неподвижни
пациенти, кои ги пренесува брза помош, но има и такви што немаат пари за да
стигнат на дијализа – вели Жарко Коларевиќ, претседател на Здружението
"Еуро-бубрег".
На Клиниката за нефрологија сега има 100 пациенти на
дијализа на 19 апарати.
– Медицински сестри и лекари се префрлуваат во други
центри за да се прифатат сите пациенти. Од Чаир имаме плус 71 болен.
Преуредивме соба за интензивна нега и за трансплантација и добивме уште седум
места за дијализа – објаснува директорката на клиниката, д-р Катица Зафировска.
Во Одделот за дијализа во Воената болница има место за
нови 20 пациенти, за кои веќе се прави распоред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Вие сте глупави луѓе“: Трамп за Путин и Зеленски доколку ги отфрлат преговорите за прекин на огнот

Американскиот претседател Доналд Трамп ги потврди зборовите на американскиот државен секретар Марко Рубио во врска со повлекувањето од преговорите доколку руската и украинската страна не постигнат договор наскоро.
Трамп понуди помек пристап, велејќи дека Рубио бил „во право“, но во исто време покажа поголем оптимизам во врска со изгледите за постигнување договор.
На прашањето за временската рамка во која САД би можеле да се повлечат, Трамп одговори:
– Нема конкретен број на денови, но сакаме брзо да го завршиме. Ако, поради некоја причина, една од двете страни го отежни тоа многу, ние само ќе кажеме: „Вие сте глупави, вие сте глупави. Вие сте ужасни луѓе“ и едноставно ќе се откажеме. Но се надевам дека нема да мораме“, продолжи тој.
Трамп не сакаше да каже дали е подготвен целосно да ги напушти преговорите или дали ќе продолжи воено да ја поддржува Украина доколку преговорите не успеат.
На прашањето каков напредок би требало да види за да ги продолжи преговорите, Трамп рече дека „ќе мора да види ентузијазам за заклучок“ од двете страни, предвидувајќи дека ќе знае „наскоро“.
– Мислам дека имаме навистина добри шанси да го постигнеме тоа. „Сега сè завршува“, рече тој.
Претходно американскиот државен секретар Марко Рубио изјави дека ако не е можно да се стави крај на војната во Украина, Соединетите Американски Држави треба да се откажат од своите напори и да продолжат понатаму, според написите во светските медиуми.
Свет
Русија: Украинците подготвуваат крвава провокација во пресрет на Велигден

Украинските вооружени сили и специјалните служби подготвуваат провокација во пресрет на Велигден во Харковската област со цел да ги дискредитираат руските војници, тврди Виталиј Ганчев, шеф на сепаратистичката администрација на Харковската област.
„Според оперативните информации што ги добивме, украинската страна подготвува крвава провокација со цел да ја дискредитира Русија во пресрет на Велигден. Имајќи ги предвид горенаведените информации, ги повикувам сите сериозно да ја сфатат оваа изјава и, доколку е можно, да не ги напуштаат своите домови на 19 и 20 април и да не одат на празнични настани и места за масовно собирање на луѓе“, изјави Ганчев за ТАСС.
Според него, слични провокации се подготвуваат и во Дњепропетровската и Полтавската област.
Овој потег доаѓа откако украинскиот претседател Володимир Зеленски предупреди дека Русија подготвува нови напади врз енергетската инфраструктура на Украина пред и по Велигден, повикувајќи се на информации од украинските разузнавачки служби, пренесуваат светските медиуми.
Свет
Зеленски за системите за воздушна одбрана од САД: Христијански е да се помага

Украинскиот претседател Володимир Зеленски денес изјави дека украинскиот народ заслужува заштита од руските ракетни напади, исто како и сите други, и го повтори барањето за американски системи за воздушна одбрана „Патриот“ во контекст на рускиот ракетен напад врз Харков.
„Кога се обраќаме до нашите партнери, првенствено до Соединетите Американски Држави, за системите „Патриот“, кои можат да заштитат од ова руско зло, од крстосувачки ракети, од балистика, бараме заштита што ја заслужува секоја нација. И не треба да биде така што некои луѓе заслужуваат повеќе помош, а некои помалку. И ова е христијански начин да се помогне“, напиша Зеленски на „Телеграм“.
Коментирајќи ги руските ракетни напади, тој истакна дека „не треба да биде случај терористот некако да може да ги избегне последиците, иако уништува животи исто како и другите“.
„Русија заслужува, во најмала рака, строги санкции, кои се одмазда за сè што прави“, нагласи украинскиот лидер.
„Претходно, ова беа крстосувачки ракети – Искандери. Една од ракетите експлодираше во воздух веднаш над станбена зона, другата ја погоди територијата на компанија до станбена зграда. Мора да си целосно никаков и да го презираш животот за да извршиш такви ракетни напади врз обичен град – на Велики петок, во пресрет на Велигден“, рече тој.
Зеленски потсети дека Украина ги прошири санкциите на речиси стотина физички и правни лица од Руската Федерација и Народна Република Кина, од кои повеќето се вклучени во производството на вакви ракети.
„Ќе продолжиме да работиме со партнерите за да обезбедиме синхронизација на нашите санкции. Секој што работи на убивање и продолжување на војната мора да биде одговорен за ова. И им се заблагодарувам на сите во светот што ја поддржуваат оваа позиција“, рече Зеленски.
Утрово, руските вооружени сили лансираа три крстосувачки ракети со високоексплозивни фрагментациски боеви глави, кои се аналогни на американските ракети „Томахавк“, кај Харков.
Едно лице загина во рускиот ракетен напад, а 103, меѓу кои осум деца, беа повредени, од кои четири се во тешка состојба, јавува Танјуг.