Свет
Норвешки епископ призна дека злоупотребувал црковен прислужник
Поранешниот католички епископ во норвешкиот град Трондхајм и признал на Католичката црква дека сексуално злоупотребувал малолетен црковен прислужник и дека заради тоа минатата година се повлекол од функцијата.
Поранешниот католички епископ во норвешкиот град Трондхајм и признал на Католичката црква дека сексуално злоупотребувал малолетен црковен прислужник и дека заради тоа минатата година се повлекол од функцијата.
Епископот Џорџ Милер го злоупотребувал црковен прислужник пред дваесет години кога се уште бил обичен свештеник, па бидејќи делото е застарено, тој нема да биде кривично гонет, соопшти неговиот наследник Бернт Ејдсвиг.
Повлекување на Милер од должност минатата година дефинитивно е поврзано со случајот на злоупотреба, бидејќи веднаш откако беше обвинет за сексуална злоупотреба, Милер побара да биде разрешен од функцијата, иако католичката црква тогаш официјално изјави дека повлекувањето на Милер се должи на „проблеми во соработката”.
Сегашниот епископ Ејдсвиг во интервју за норвешкиот весник „Адресеавјен“ изјави дека Милер по повлекувањето од должност се подложил психотерапија и духовно советување.
„За овој случај тогаш јавноста не беше информирана бидејќи жртва така сакаше”, рече Ејдсвиг.
Милер се уште јавно не го признал делото, а станува збор за прв признаен случај на злоупотреба во католичката црква во Норвешка.
Епископот по повлекувањето од функција исчезнал, а ниту Католичката црква во Трондхајм ниту неговиот свештенски ред од Германија не знаат каде се наоѓа тој во моментот. /крај/хи/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.