Свет
Непишани правила за „летање“ на државниците
Трагичната авионска несреќа, во која во саботата загина претседателот Лех Качински и голем број други членови на државното и военото раководство на Полска, отвори многу дилеми.
Трагичната авионска несреќа, во која во саботата загина претседателот Лех Качински и голем број други членови на државното и военото раководство на Полска, отвори многу дилеми.
Така на пример, во Германија нема забрана со која на сојузниот претседател и на канцеларот им се забранува да летаат во ист авион. Тие имено патуваат заедно.
Канцеларот Ангела Меркел и претседателот Хорст Келер минатата година летаа во ист авион на комеморацијата за жртвите од масакрот во училиштето во Виненден, кај Штутгарт.
Исто така и канцеларот и заменикот-канцелар повремено патуваат заедно. Во времето на големата коалиција, релативно чести беа заедничките патувања на Ангела Меркел и министерот за надворешни работи Штајнмајер.
Сојузната канцеларка, исто така, патувала заедно со вице-канцеларот Гвидо Вестервеле на еден самит на ЕУ. Сепак, не може да има вакуум во државниот врв.
Во случај сојузниот претседател Келер смртно да настрада, на неговото место автоматски би дошол актуелниот претседател на Бундесратот.
Исто така во Франција има непишани закони за случаите кога владините претставници и претседателот одат заедно на пат. Шефот на државата и претседателот на Сенатот, заменикот на претседателот во Елисејската палата, никогаш не патува со него во ист авион.
Претседателот и вицепретседателот на САД, од безбедносни причини никогаш не патуваат со ист авион од терористичките напади на 11 септември 2001 година.
Во САД врвните политичари скоро никогаш не патуваат заедно со ист авион, за да избегнат во случај на паѓање или терористички напад да загинат премногу врвни луѓе.
Во Велика Британија, принцот престолонаследник Чарлс мора да добие одобрение од неговата мајка, кралицата Елизабета втора, кога сака да лета заедно со неговите синови Вилијам и Хари.
Ако премиерот и кралицата патуваат заедно со ист авион, тоа би било спротивно на националните безбедносни прописи, како и спротивно на протоколот на кралската палата./крај/дв/ир/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.