Свет
Уапсен проповедник кој велел дека хомосексуалноста е грев
Христијански проповедник бил уапсен бидејќи му довикувал на непознат минувач дека хомосексуалноста е грев во очите на Бог, пренесе Телеграф.
Христијански проповедник бил уапсен бидејќи му довикувал на непознат минувач дека хомосексуалноста е грев во очите на Бог, пренесе Телеграф. Дејл МекАлпин бил обвинет за предизвикување „стрес, вознемирување или малтретирање“ откако еден „полицаец за поддршка на хомосексуалната заедница“ го слушнал како рецитира и довикува многу гревови за кои се говори во Библијата, вклучувајќи ги и „богохулењето, пијанството и еднополовите односи.“ 42-годишниот Баптист, кој со години проповеда Христијанство во англиското градче Воркингтон, изјавил дека инцидентот бил едно од најлошите искуства во неговиот живот. „Бев многу шокиран и понижен откако ме уапсија во својот град и ме третираа како обичен криминалец пред луѓето кои ги познавам,“ изјавил МекАлпин. Проповедникот се изјаснил за невин на прелиминарното судење и сега очекува датум за ново судење. Актот за јавен ред и мир во Англија кој забранува неразумно користење на навредлив јазик кој би можел да предизвика стрес кај луѓето, бил користен и претходно за да се уапсат други религиозни луѓе во слични случаи. Во еден од случаите, пензионерот Хери Хамонд,, беше обвинет според Актот во 2002 година, бидејќи држел знак на кој пишувало „Стоп за неморалноста. Стоп за хомосексуалноста. Стоп за лезбејството. Исус е Бог“ додека проповедал во Бурнемаут./крај/тгф/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Свет
Пациентите со задолжително здравствено осигурување во Германија повторно би можеле да плаќаат такса за лекување во ординации
Во борбата против постојано зголемувањето на трошоците за здравствена заштита во Германија, економските експерти предлагаат поголемо учество на обврзниците на здравственото осигурување и повторно воведување на надоместоци за здравствена заштита, односно лекување во ординациите на општа пракса, пишува магазинот Феникс.
Шефот на Одделот за здравствена компетентност при Институтот за економски истражувања во Рајнише Вестфален Лајбниц (РВИ), Борис Аугурски, за Билд изјави дека укинувањето на здравствената такса во лекарските ординации е грешка.
– Наместо таксата за претходна пракса од десет евра по посета на лекар, подобро е, на пример, да земете пет евра по посета на лекар. Исклучок треба да биде земање рецепти, рече Аугурски, пренесува магазинот Феникс.
Стефан Грес, здравствен економист од Фулда, се залага за значително зголемување на прагот на придонесот.
Постепено треба да се зголеми од сегашните 62.100 евра годишно на 90.600 евра годишно.
– Тоа значи дека компаниите за здравствено осигурување би можеле да заработуваат околу десет милијарди евра повеќе годишно, изјави Грес за Билд.
Од друга страна, економистот од Фрајбург, Бернд Рафелхусен, повикува на здравствени придобивки независно од платата.
– Доколку сакате да платите помала такса, мора да ја зголемите месечната здравствена такса. Компаниите за здравствено осигурување мора да се вклучат за да им помогнат на луѓето кои не заработуваат доволно, рече Бернд Рафелхузен.
Пациентите со задолжително здравствено осигурување во Германија до крајот на 2012 година требаше да плаќаат квартален надоместок од десет евра за лекување и стоматолошки третман. Таксата беше укината во 2013 година.
Свет
Кина испраќа тројца астронаути во вселенската станица како дел од својата програма на Месечината
Кинеската вселенска агенција ги прави последните подготовки за испраќање на екипажот Шенжу-18 во ниската орбита на Земјата, како дел од нејзината вселенска програма која има за цел да испрати луѓе на Месечината до 2030 година.
Кинеската вселенска агенција за екипаж (CMSA) на денешната прес-конференција претстави тројца астронаути, командант Је Гуангфу, кој беше дел од мисијата Шенжу-13 2021, Ли Конг и Ли Гуангсу, кои за прв пат ќе одат во вселената, пренесува CRI. .
Вселенското летало со тројца луѓе се очекува да полета во четврток во 20:59 часот по локално време од центарот за лансирање на сателити Џиукван во пустината Гоби во северозападна Кина.