Свет
Браќата Милибанд во трка за лидер на британските лабуристи
Браќата Ед (40) и Дејвид (44) Милибанд, двајцата поранешни министри, ќе бидат противници во трката за нов шеф на британската Лабуристичка партија, откако нејзиниот лидер Гордон Браун, понесе оставка по поразот на парламентарните избори
Браќата Ед (40) и Дејвид (44) Милибанд, двајцата поранешни министри, ќе бидат противници во трката за нов шеф на британската Лабуристичка партија, откако нејзиниот лидер Гордон Браун, понесе оставка по поразот на парламентарните избори.
Поранешниот министер за енергетика Ед Милибанд синоќа соопшти дека ќе се кандидира против својот брат, поранешниот шеф на дипломатијата Дејвид Милибанд во трката за нов шеф на лабуристите, кој треба да биде избран за неколку месеци.
Најавувајќи ја својата кандидатура Ед Милибанд се пошегува дека сите го прашуваат, кого ќе го поддржи нивната мајка, а неговиот брат Дејвид, наведе дека трката за лидер ќе биде цивилизирана, а „братската љубов ќе опстане, бидејќи таа е поважна од политиката“.
Браќата Милибанд засега се единствените официјални кандидати за лидер на Лабуристите, а како можни наследници на Браун се споменуваат поранешните министри Ед Болс, Енди Бурнам, како и пратеникот Џон Крудас.
Смената на раководството на Лабуристите, кои владееја со Велика Британија 13 години, уследи по поразот на парламентарните избори одржани на шести мај годинава.
Власта ја презеде конзервативната партија предводена од Дејвид Камерон, кој формираше влада со третопласирана на изборите либерал-демократската партија на Ник Клег. /крај/бт/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.