Свет
Иран се закани со повлекување на нуклеарниот договор
Доколку светските сили и наметнат нови санкции на Исламската Република, Иран ќе ја ревидира спогодбата за размена на нуклеарно гориво, соопшти иранскиот претставник во Москва, Махмуд Реза Сеџади.
Доколку светските сили и наметнат нови санкции на Исламската Република, Иран ќе ја ревидира спогодбата за размена на нуклеарно гориво, соопшти иранскиот претставник во Москва, Махмуд Реза Сеџади.
„Доколку дојде до нови санкции, на иранската јавност ќе и стане јасно дека групата „5+1“ има лоши намери и дека се раководи со политички цели.Тоа ќе не присили да го ревидираме техеранскиот договор (постигнат со Турција и Бразил) “, изјави Сеџади.
Сеџади алудираше на петте постојани членки на Советот на безбедност на ОН, САД, Кина, Велика Британија, Русија, Франција како и Германија, познати како група 5+1“, која води преговори со Техеран за спорниот ирански нуклеарен договор.
Договорот помеѓу Иран, Турција и Бразил кој беше потпишан на 17. мај во Техеран, предвидува размена на 1200 килограми нискозбогатен ирански ураниум за 120 килограми високозбогатен ураниум кој ќе го осигура Виенската група земји кога ќе се усогласат сите детали.
Иран разменетиот ураниум ќе го употреби во медицински цели а размената се очекува да биде организирана во Турција./крај/хи/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.