Свет
Командантот на военото воздухопловство бил во кокпитот на полскиот авион
Командантот на полското воено воздухопловство генерал Анджеј Блашик бил во пилотската кабина до самиот пад на авионот во кој на 10 април во близината на Смолнеск во Русија загина претседателот на Полска Лех Качински и 88 члена делегација
Командантот на полското воено воздухопловство генерал Анджеј Блашик бил во пилотската кабина до самиот пад на авионот во кој на 10 април во близината на Смолнеск во Русија загина претседателот на Полска Лех Качински и 88 члена делегација.
Ова информација ја потврди полскиот претставник во руската комисија што ја истражува несреќата Едмунд Клих, додавајќи дека генералот Блашок влегол во кокпитот 16 минути пред трагедијата.
Присуството на генералот во кокпитот ги зајакна тезите во истрагата дека пилотите, макар и посредно, биле под притисок да слетаат во Смолнеск и во невозможни временски услови.
Според Клих, психолошката анализа на гласовите од пилотската кабина може да покаже дали и колку биле под притисок да слетаат по секоја цена.
Контролорите на летање на воениот аеродром во Смоленск јасно на пилотите им нагласиле дека временските услови не дозволуваат слетување и ги упатиле кон алтернативен аеродром.
Истрагата за несреќата на авионот од типот Тупољев 154, во кој заедно со полскиот претседател Лех Качињски загинаа уште 95 патници и членови на екипажот, досега како причини исклучи терористички напад, експлозија и дефект, бидејќи моторите работеле се до ударот на земја. /крај/бт/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.