Свет
Операцијата „Топ кил“ се уште не го запре истекувањето на нафтата
На еколошката катастрофа во Мексиканскиот залив не и се гледа крајот, иако од почеток се мислеше дека операцијата „Топ Кил“ ќе донесе успех, набрзо се покажа дека истекувањето на нафтата се уште не е запрено.
На еколошката катастрофа во Мексиканскиот залив не и се гледа крајот, иако од почеток се мислеше дека операцијата „Топ Кил“ ќе донесе успех, набрзо се покажа дека истекувањето на нафтата се уште не е запрено.
„Компанијата Бритиш Петролеум вчера привремено го запре впумпувањето, бидејќи бродот од кој се испумпуваше остана без кал. Впумпувањето ќе продолжи во вечерните часови, кога бродот ќе биде заменет со нов“, рече Дог Сатлс, портпарол на БП, додавајќи дека сепак е постигнат напредок во намалувањето на истекувањето на нафтата.
Сатлс рече дека планираат во мешавината со која се полнат изворите да додадат парчиња гума за да се затне цевката која испушта нафта. Се работи за постапка која во индустријата се нарекува „џанк шот“.
Операцијата „Tоп кил“ требаше да заврши со бетонирање на изворите, но за тоа дали е успешна операцијата ќе мора да се причека уште некој ден.
Марсија Мек Ну, директорка на американскиот Институт за геолошки истражувања вчера изјави дека екипа на научници утврдиле дека од изворот дневно истекува измеѓу 12 и 19 илјади барели нафта, а не пет илјади како што тврдеа БП и сојузната влада.
Според тие податоци, до сега во морето имаат истечено од 77 до 122 илјади тони нафта, со што еколошката катастрофа станува поголема и од потонувањето на такерот „Ексон Валдез“ 1989 година кај Алјаска, кога во морето истекоа 50 илјади тони нафта.
Поради оштетена инсталација нафтата истекува веќе 38 дена, поточно од 20 април./крај/афп/јл/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Паника во Лондон: На сред возење извадил нож и избол човек пред патниците
Продолжува потрагата по напаѓачот кој избоде маж во воз пред очите на преплашени патници.
Човекот кој бил нападнат се здобил со повреди опасни по живот во нападот што се случил во јужен Лондон. Засега нема уапсени, а полицијата ги повикува сведоците да дојдат во станицата.
На само тринаесет километри, друга станица е затворена и евакуирана поради дојава за напад со нож. На дел од видеата може да се види како осомничениот вчера шетал по улиците на Лондон носејќи маска, вооружен со голем нож, пренесува „Јутарњи лист“.
Од службите за превоз во Лондон подоцна соопштиле дека метро станицата Кенингтон била затворена поради инцидент со патниците, додека приказните за напад со нож кружеле на социјалните мрежи.
Според медиумите, не се пронајдени врски меѓу инцидентите во Кенингтон и Бекенхем.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Свет
Родителите на Кејт Мидлтон се нејзиниот темел додека таа бори во најтешката животна битка
Во петокот, принцезата од Велс го шокираше светот со веста за нејзината болест.
„Таа има навистина тесен круг на пријатели, особено во Норфолк, таму има многу блиски пријатели“, изјави за странските медиуми за принцезата Кејт Мидлтон, кралскиот експерт Кејти Никол. Таа неодамна и откри на јавноста дека и е дијагностициран рак, по неколкумесечни шпекулации дека нејзината здравствена состојба не е добра, но и дека се повлече од јавноста затоа што нејзиниот сопруг Вилијам ја изневерил.
Никол појасни кој всушност претставува основа на се, во животот на принцезата.
„Нејзиното безбедно пристаниште дефинитивно се нејзините родители, братот Џејмс и сестрата Пипа. Иако не ги гледаме често на заеднички фотографии, тие речиси секогаш се некаде блиску до неа. Тие се апсолутно нејзиниот темел”, рекол тој. Со неговата изјава се согласија и следбениците на социјалните мрежи кои раскажаа како Кејт се дружела со мајка си откако дознала за тешката дијагноза, бидејќи знаела дека може да и каже такви информации, но и дека ќе добие утеха и совет. Нејзините родители ја поддржувале во веројатно најтешките моменти од нејзиниот живот.
Керол и Мајкл Мидлтон добиле олеснување кога слушнале дека ракот е откриен во рана фаза и се чувствувале безбедно бидејќи нивната ќерка е на превентивна хемотерапија.
„Кетрин ќе ги има најдобрите доктори на светот кои ќе ја чуваат, така што таа е во сигурни раце. Керол и Мајкл отсекогаш биле силна двојка и многу приземни. Она што сега го прават е да се здружат и да ја поддржуваат неа, и не само Вилијам и Кејт, туку и нивните внуци“.
Братот Џејмс испрати порака за поддршка на својата постара сестра. Тој објави фотографија кога биле деца и и посвети прекрасни зборови:
„Искачивме многу планини заедно низ годините. Како семејство, оваа ќе ја искачиме со вас.